បុរសថៃប្រច័ណ្ឌប្រពន្ធយកទាំងកូនស្រី១១ខែទៅធ្វើអត្តឃាតលើអគារ រួច Live លើ Facebook

2017-04-26 01:11:35
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិថៃអាយុ ២១ឆ្នាំ បានចងកកូនស្រី រួចធ្វើអត្តឃាតចងកខ្លួនឯងតាមក្រោយនៅលើអគារសណ្ឋាគារគេបោះបង់បោលមួយកន្លែង នៅខេត្តភូកេត ប្រទេសថៃ កាលពីថ្ងៃច័ន្ទកន្លងទៅ។

ឪពុកបីសាច់ញាតិ ឯម្ដាយបីកូនស្រីរងគ្រោះ

បើតាមសេចក្ដីរាយការណ៍បុរសរូបនេះមានឈ្មោះ Wuttisan Wongtalay បានកើតជម្លោះជាមួយប្រពន្ធ និងបាន Live វីដេអូលើ Facebook ពេលកំពុងធ្វើអត្តឃាត ដោយធ្វើឲ្យមនុស្សជាច្រើនខ្លោចចិត្ត និងខឹងសម្បារចំពោះឪពុក។

បន្ទាប់ពី Live មិនដល់មួយថ្ងៃផង វីដេអូនោះត្រូវបានដកចេញ ហើយក្រុមហ៊ុន Facebook បានផ្ញើសារចូលរួមកាន់ទុក្ខគ្រួសាររងគ្រោះដោយនិយាយថា ការបង្ហោះនេះត្រូវបានលុបចោលហើយ។ លើសពីនេះ វីដេអូខាងលើត្រូវបានគេបង្ហោះលើ Youtube ទៀត ប៉ុន្តែក្រុមហ៊ុនបានដកចេញដូចគ្នា ក្រោយពីសារព័ត៌មាន BBC ជូនដំណឹង។

ចំពោះមូលហេតុធ្វើឲ្យបុរសជាប្ដីគិតខ្លីបញ្ចប់ជីវិតទាំងកូនស្រីវ័យទើប ១១ខែមិនទាន់ដឹងអ្វីនេះ គឺលោក Wongtalay បានសង្ស័យប្រពន្ធនាង Jiranuch Trirat អាយុ ២១ឆ្នាំ លួចមានបុរសថ្មី ហើយបានគំរាមសម្លាប់នាងដែរក្នុងថ្ងៃកើតហេតុខាងលើ។

សាច់ញាតិរបស់ជនរងគ្រោះម្នាក់និយាយថា វីដេអូគួរឲ្យរន្ធត់ចិត្តនេះបានដឹងដល់ប៉ូលិស ប៉ុន្តែពួកគេទៅដល់កន្លែងកើតហេតុយឺតទើបមិនអាចជួយសង្គ្រោះប្ដី និងកូនបាន៕