វណ្ណៈ បូរមី ប៉ងធ្វើការងារមួយដែលនារីភាគច្រើនមិនប្រាថ្នា

2017-04-26 02:00:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្លែកពីនារីទូទៅ តារាម៉ូដែលរាងតូចច្រឡឹង វណ្ណ បូរមី ប្រាប់ថា នាងមានបំណងប្រាថ្នាមួយក្នុងជីវិតគឺចង់ធ្វើជាទាហាន។

នាងនិយាយថា៖ "ខ្ញុំចង់ធ្វើទាហានព្រោះ ខ្ញុំស្រលាញ់ការងារណាដែលធ្វើឲ្យខ្លួនមើលទៅមានលក្ខណៈរឹងមាុំអង់អាច ហើយក៏ចូលចិត្តស្ទីលស្លៀកពាក់ និងការកាន់កាំភ្លើងរបស់ទាហានស្រីៗខ្លាំងណាស់ដែរ ឃើញហើយចង់ធ្វើដូចគេហ្មង"។

មានទំនុកចិត្តយ៉ាងមុតមាុំ តួសម្ដែងរឿង "សសរកន្លោង" បន្តថា បំណងធ្វើជាទាហាននេះ នាងមានយូរហើយប៉ុន្តែកន្លងមកគ្រួសារ និងមនុស្សជុំវិញខ្លួនមិនគាំទ្រ។ "មិនថាយ៉ាងណាទេ ខ្ញុំនឹងនិយាយជាមួយប៉ាម៉ាក់របស់ខ្ញុំដើម្បីប្រលងចូលធ្វើទាហាននៅឆ្នាំនេះតែម្ដង ព្រោះឮថាមានគេរើសទាហានស្រីច្រើនគួរសមដែរ"។ ពន្លកថ្មីវ័យ១៨ឆ្នាំ បន្ថែម។

ប្រាថ្នាអាជីពថ្មីក៏ពិតមែន តែកូនកាត់ឡាវរូបនេះអះអាងថា នាងមិនចោលសិល្បៈដែលជាការងារដំបូងរបស់នាងឡើយ ហើយនាងនឹងបន្តការសិក្សាជានិស្សិតថ្នាក់មូលដ្ឋាននៅសាកលវិទ្យាល័យបញ្ញាសាស្ត្រកម្ពុជា ក្រោយពេលបញ្ចប់ថ្នាក់ភាសាអង់គ្លេសកម្រិតខ្ពស់នៅទីនោះ។

១០សន្លឹកពីតារាកូនកាត់ឡាវ វណ្ណៈ បូរមី សាមញ្ញ តែទាក់ទាញ អ៊ុន អាលីហ្សា ផ្អាកការងារសិល្បៈចូលបម្រើកងទ័ព