មិនគួរឲ្យជឿ! តួប្រុសរឿង "នាងកែវណាម៉ា" ថៃមានកូនក្រមុំស្អាតខ្លាំងបែបនេះសោះ

2017-04-26 08:21:45
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលប៉ុន្មានថ្ងៃកន្លងទៅនេះ តារាសម្ដែងជើងចាស់ថៃ លោក Chaiya Mitchai បានធ្វើឲ្យអ្នកគាំទ្រស្រឡាំងកាំងគ្រប់គ្នា ដោយសារព័ត៌មានដែលថាលោកមានកូន។

ចាត់ទុកថាជារឿងរ៉ាវដ៏ភ្ញាក់ផ្អើលជាខ្លាំង នឹកស្មានមិនដល់ ក្រោយពីលេចចេញនូវ អាថ៌កំបាំងដែល តារាប្រុសដែលជាតួឯកក្នុងរឿង "នាងកែវណាម៉ា" ថៃរូបនះ ព្យាយាមលាក់បាំងអស់រយៈពេលជាយូរ ។ កន្លងមក លោក Chaiya Mitchai មិនដែលបញ្ចេញ ឫនិយាយអ្វីពាក់ព័ន្ធនឹងរឿងរ៉ាវផ្ទាល់ខ្លួន ជាពិសេសរឿងប្រពន្ធកូនឲ្យអ្នកណាដឹងឡើយ ប៉ុន្តែឥលូវការពិតត្រូវបានលាតត្រដាង គឺតារាប្រុសរូបនេះ មានប្រពន្ធ និងកូន២នាក់ ស្រីម្នាក់ ប្រុសម្នាក់។

បកស្រាយលើគណនី Facebook ផ្ទាល់ តារាប្រុសរូបនេះបាននិយាយថា៖ "ខ្ញុំ Chaiya Mitchai សូមទទួលស្គាល់ព័ត៌មានដែលថាខ្ញុំមានកូន។ កន្លងមកខ្ញុំមិនបើកចំហខ្លាំង ក៏ព្រោះតែមិនចង់ឲ្យភាពរំខានកើតឡើងចំពោះគ្រួសារ ហើយខ្ញុំគ្រាន់តែចង់រស់នៅបែបសាមញ្ញៗតែប៉ុណ្ណោះ”។

បន្ថែមពីលើនោះតារាប្រុសវ័យ ៤៣ឆ្នាំរូបនេះ ក៏បាននិយាយថា មិត្តភ័ក្ដិជិតស្និទ្ធក្នុងចង្កោមសិល្បៈ និងអ្នកគាំទ្រមួយចំនួន បានដឹងពីប្រវត្តិគ្រួសារលោកតាំងពីយូរមកហើយ តែអ្នកទាំងនោះមិនបានបើកកកាយអ្វីឲ្យប៉ះពាល់សាមីខ្លួនឡើយ។

ស្របជាមួយគ្នានោះ អ្វីដែលធ្វើឲ្យមានការចាប់អារម្មណ៍មួយទៀតគឺ ពាក់ព័ន្ធនឹងសម្រស់របស់កូនស្រីវ័យ ២៤ឆ្នាំរបស់លោក Chaiya វិញ គឺពិតជាស្អាតមិនធម្មតា ហើយបើនិយាយពីទម្រង់មុខ ដូចឪពុករបស់នាងខ្លាំងណាស់៕