Hazard ព្រមទៅ Real ស្របពេល De Gea អាចទៅដែរ បើឱ្យតម្លៃខ្លួន៦០លានផោន
- 2017-04-27 03:34:06
- ចំនួនមតិ 0 | ចំនួនចែករំលែក 0
Hazard ព្រមទៅ Real ស្របពេល De Gea អាចទៅដែរ បើឱ្យតម្លៃខ្លួន៦០លានផោន
ចន្លោះមិនឃើញ
ខ្សែបម្រើ Eden Hazard ត្រូវបានមិត្តរួមក្រុមបញ្ជាក់ថារូបគេនឹងចេញទៅលេងនៅ Real Madrid រដូវកាលក្រោយហើយ ខណៈដែលអ្នកចាំទី David de Gea វិញ ក៏អាចទៅលេងនៅក្លឹបអេស្ប៉ាញនេះដែរ ប្រសិនណាបើមានតម្លៃខ្លួនដល់៦០លានផោន។
Hazard ជាគោលដៅមួយសម្រាប់ Real ក្នុងការទិញចូលនៅរដូវក្ដៅខាងមុខនេះ ខណៈដែលសាមីខ្លួនក៏មានចិត្តចង់ទៅលេងនៅទីនោះដែរ ក្រោមការដឹកនាំរបស់លោក Zidane ។ ទាក់ទងនឹងរឿងនេះដែរ មិត្តរួមក្រុមរបស់ខ្សែបម្រើបែលហ្សិករូបនេះ បានបង្ហើបយ៉ាងច្បាស់ថាក្រោយពីជួយក្រុម Chelsea លើកពានរដូវកាលនេះហើយ Hazard នឹងទៅលេងនៅក្លឹបថ្មីមួយទៀតហើយ។ ដោយក្លឹបថ្មីនោះគឺអាចជា Real Madrid ដែលមានភាគរយខ្ពស់ជាងគេ។
ដូចគ្នានេះដែរ De Gea ដែលជាអ្នកចាំទីម្នាក់ ស្ថិតក្នុងបញ្ជីទិញចូលរបស់ក្រុមអធិរាជសដែរនោះ ក៏ អាចនឹងផ្លាស់ទៅបានដែរ ក្រោយពីមានការបើកភ្លើងខៀវពីអ្នកចាត់ការ Jose Mourinho ។ ដោយឡែកកីឡាករអេស្ប៉ាញមួយនេះអាចទៅបាន គឺអាស្រ័យទៅលើការហ៊ានចំណាយរបស់ Real ផងដែរ ព្រោះថាក្រុមបិសាចក្រហមដាក់តម្លៃខ្លួនអ្នកចាំទីដល់ទៅ៦០លានផោនឯណោះ។ យ៉ាងណាមិញ មានករណីមួយចំនួនដែរចំពោះការផ្លាស់ប្ដូរកីឡាករនេះ។ ដោយក្រុម Man Utd ក៏ចង់បានកីឡាកររបស់ Real ខ្លះដែរ ដូច្នេះប្រសិនបើពួកគេអាចផ្លាស់ប្ដូរគ្នាបានខ្លះនោះ គឺអាចនឹងមិនត្រូវចំណាយច្រើនឡើយ។
Real Madrid ត្រូវបានគេមើលឃើញថានៅរដូវក្ដៅខាងមុខ អាចនឹងទិញកីឡាករចូលច្រើនបន្ថែម ព្រោះតំបន់ការពារនិងអ្នកចាំទី របូតគ្រាប់បាល់ច្រើន សឹងតែគ្រប់ប្រកួតទៅហើយ។ ដោយឡែកនៅតំបន់ខាងលើវិញ ក៏មានបញ្ហាខ្លះដែរ ដោយសារតែ Gareth Bale មានរបួសច្រើនពេក ស្របពេល Karim Benzema ក៏ធ្វើមិនសូវបានល្អថែមទៀត៕