ពិតអត់ វ៉្លាឌិមៀ ពូទីន ដឹងថា យន្តហោះ MH370 បាត់ខ្លួនជាង៣ឆ្នាំ នៅទីណា?
- 2017-05-01 02:28:02
- ចំនួនមតិ 0 | ចំនួនចែករំលែក 0
ពិតអត់ វ៉្លាឌិមៀ ពូទីន ដឹងថា យន្តហោះ MH370 បាត់ខ្លួនជាង៣ឆ្នាំ នៅទីណា?
ចន្លោះមិនឃើញ
ប្រធានាធិបតីរុស្ស៊ី វ៉្លាឌិមៀ ពូទីន (Vladimir Putin) ដឹងយ៉ាងច្បាស់ថា យន្តហោះរបស់ក្រុមហ៊ុនអាកាសចរណ៍ម៉ាឡេស៊ី MH370 ដែលបានបាត់ខ្លួនជាង ៣ឆ្នាំ នៅទីណា។ នេះបើតាមការអះអាងរបស់អ្នកស៊ើបអង្កេតម្នាក់។
លោក Andre Milne អ្នកស៊ើបអង្កេតស្ម័គ្រចិត្ត និងជាស្ថាបនិកក្រុមហ៊ុនបច្ចេកវិទ្យា Unicorn Aerospace បានឲ្យដឹងថា វាមានភស្តុតាងបញ្ជាក់ថា មេដឹកនាំរុស្ស៊ី បានដឹងពីទីតាំងយន្តហោះ ប៉ុន្មានម៉ោងប៉ុណ្ណោះ ក្រោយពេលវាបានបាត់ខ្លួន។
គួររំលឹកថា យន្តហោះរបស់ក្រុមហ៊ុនអាកាសចរណ៍ម៉ាឡេស៊ី ប្រភេទប៊ូអ៊ីង៧៧៧ ស្ថិតក្នុងជើងហោះហើរ MH370 ធ្វើដំណើរចេញពីទីក្រុងកូឡាឡាំពួរ ប្រទេសម៉ាឡេស៊ី ឆ្ពោះទៅកាន់ ទីក្រុងប៉េកាំង ប្រទេសចិន ដោយដឹកអ្នកដំណើរចំនួន ២៣៩នាក់ បានបាត់ខ្លួនសូន្យឈឹង កាលពីខែមីនា ឆ្នាំ២០១៤ មកម្ល៉េះ ហើយរហូតមកដល់ពេលនេះ នៅមិនទាន់ត្រូវគេរកឃើញនៅឡើយទេ។
លោក Milne ជឿជាក់ថា យន្តហោះ MH370 បានបង្កើតស្នាមចុះចតមួយ នៅក្នុងឈូងសមុទ្រ Bay of Bengal ស្ថិតនៅភាគឦសាន នៃមហាសមុទ្រឥណ្ឌា។ ប៉ុន្តែលោកគិតថា រដ្ឋាភិបាលរុស្ស៊ីបានដឹងយ៉ាងច្បាស់ថា យន្តហោះនោះធ្លាក់នៅកន្លែងណា ព្រោះវាត្រូវថតបានដោយផ្កាយរណបរុស្ស៊ី។
«ផ្កាយរណប ដែលដាក់ដោយរុស្ស៊ី បានឃើញបំណែកយន្តហោះ។ ព័ត៌មានផ្កាយរណបនេះ ត្រូវបានរកឃើញ ៥២ម៉ោង ក្រោយពេលយន្តហោះ MH370 បាត់ខ្លួន។ ពូទីន អាចនឹងទទួលបានព័ត៌មាននោះ»។ នេះបើតាមសម្ដី លោក Milne។
ទោះជាយ៉ាងណា លោក Milne ជឿជាក់ថា រុស្ស៊ីមិនហ៊ានបង្ហាញការរកឃើញនោះជាសាធារណៈឡើយ ព្រោះលោកជឿជាក់ថា ផ្កាយរណបដែលថតបានភស្តុតាងនោះ គឺជាផ្កាយរណបចារកម្ម សម្រាប់យកការណ៍៕