ដូណាល់ ត្រាំ៖ «ខ្ញុំនឹងជួប គីម ជុងអ៊ុន នៅកាលៈទេសៈត្រឹមត្រូវណាមួយ»

2017-05-02 00:58:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិក លោក ដូណាល់ ត្រាំ បាននិយាយថា លោកនឹងមានកិត្តិយសទៅជួប មេដឹកនាំកូរ៉េខាងជើង គីម ជុងអ៊ុន នៅក្នុងកាលៈទេសៈត្រឹមត្រូវណាមួយ។

ប្រធានាធិបតីអាមេរិក លោក ដូណាល់ ត្រាំ

«ប្រសិនបើវាសាកសមសម្រាប់រូបខ្ញុំ ក្នុងការទៅជួបជាមួយគាត់ ច្បាស់ណាស់ខ្ញុំនឹងធ្វើវា។ ខ្ញុំនឹងមានកិត្តិយសដើម្បីធ្វើវា»។ នេះបើតាមសម្តី លោក ត្រាំ ប្រាប់ទៅកាន់សារព័ត៌មាន Bloomberg នៅថ្ងៃច័ន្ទ ម្សិលមិញនេះ។

គួររំលឹកថា ប្រធានាធិបតីអាមេរិករូបនេះ ធ្លាប់បានហៅមេដឹកនាំផ្ដាច់ការកូរ៉េខាងជើង គីម ជុងអ៊ុន ថាជា «មនុស្សដ៏ឆ្លាត» ម្នាក់។

មេដឹកនាំកូរ៉េខាងជើង គីម ជុងអ៊ុន

ទោះជាយ៉ាងណា សេតវិមានបានចេញសេចក្ដីថ្លែងការណ៍មួយ បន្ទាប់ពីការថ្លែងរបស់លោក ត្រាំ ដោយនិយាយថា កូរ៉េខាងជើង នឹងត្រូវបំពេញតាមលក្ខខណ្ឌជាច្រើន មុនពេលកិច្ចប្រជុំរវាងមេដឹកនាំទាំង២ អាចធ្វើទៅបាន។ ជាមួយគ្នានេះដែរ អ្នកនាំពាក្យ លោក Sean Spicer បាននិយាយថា សហរដ្ឋអាមេរិក ចង់ឃើញកូរ៉េខាងជើងបញ្ចប់ឥរិយាបថបង្កហេតុរបស់ខ្លួនភ្លាមៗ។

ប្រធានាធិបតីអាមេរិក លោក ដូណាល់ ត្រាំ

នៅក្នុងបទសម្ភាសមួយ កាលពីថ្ងៃអាទិត្យ ជាមួយទូរទស្សន៍ CBS ប្រធានាធិបតី ត្រាំ បានកត់សម្គាល់ថា លោក គីម បានកាន់កាប់អំណាចនៅវ័យក្មេង ទោះបីជាត្រូវប្រឈមមុខ ជាមួយមនុស្សកាចសាហាវមួយចំនួនក៏ដោយ។ លោក ត្រាំ បានបន្ថែមថា លោកមិនដឹងថា លោក គីម ប្រក្រតី ឬយ៉ាងណានោះទេ៕

ប្រភព៖ BBC ប្រែសម្រួល៖ សេង ឡុង