វ័យចាស់នៅតែសង្ហា តើ Beckham មានរបបអាហារអ្វីខ្លះ?

2017-05-03 03:08:45
ចំនួនមតិ 0 | ចំនួនចែករំលែក 0

ចន្លោះមិនឃើញ

David Beckham ជាតារាបាល់ទាត់ដ៏ល្បីឈ្មោះកាលពីអតីតកាល ហើយថែមទាំងមានមន្តស្នេហ៍ និងរូបរាងស្រស់សង្ហា បើទោះជាឆ្នាំនេះលោកឈានដល់វ័យ៤២ឆ្នាំហើយក៏ដោយ។

នៅថ្ងៃខួបកំណើតកាលពីម្សិលមិញអតីតខ្សែបម្រើ Manchester United និង Real Madrid បានបង្ហោះរូបដ៏កម្រពីអាហារពេលល្ងាច របស់ខ្លួនដែលមនុស្សភាគច្រើនមិនដែលបានដឹង។ តើអាហារទាំងនោះជាវិធីរក្សាទម្ងន់ឲ្យនៅថេរ និងអាថ៌កំបាំងពីរូបរាងស្រស់សង្ហារបស់ Beckham ឬយ៉ាងណា?

រូបភាពអាហារដែលចែករំលែកលើគណនី Instagram គេឃើញមានដូចជា បន្ទះសាច់ជ្រូក (ផ្នែកភ្លៅ), ម្នាស់ដែលចិតជារង្វង់ចំនួន២ដុំ, ពងទាចៀន, ដំឡូង, ស្ពៃក្ដោបចិញ្ច្រាំ, សៀង, និងសណ្ដែកបារាំងកិន។ យ៉ាងណាក៏ដោយគ្មាននរណាដឹងថាអាហារមួយចាននោះ ភរិយានាង Victoria ជាអ្នកចម្អិនឲ្យ ឬក៏ជាស្នាដៃ Beckham ខ្លួនឯងទេ៕