Miley Cyrus លែងបែកកម្មដ្ឋានស្លៀកពាក់ត្រឹមត្រូវក្នុងក្របទស្សនាវដ្ដីថ្មី

2017-05-06 08:54:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីកំឡុងឆ្នាំ ២០១៣ ពេលដែលតារាចម្រៀង Miley Cyrus ផ្លាស់ប្តូរការតុបតែងខ្លួនទាំងស្រុង ពីតារាតែងខ្លួនសុភាពរាបសារ ទៅជាតារាចម្រៀងម្នាក់ដែលស្លៀកពាក់សិចស៊ីហួសថ្លែង។

ថ្មីៗនេះ Miley Cyrus បានបង្ហាញខ្លួននៅលើទស្សនាវដ្តី Billboard ដែលបាននិយាយពីការជួបជុំគ្នាវិញជាមួយនឹងសង្សារចាស់នាងតារាសម្ដែង Liam Hemsworth។ មិនត្រឹមតែប៉ុណ្ណោះតារាចម្រៀងវ័យក្មេងរូបនេះបានប្រកាសថា នាងបានផ្លាស់ប្ដូររបៀបរស់នៅដូចកាលពីមុន ដូចជាឈប់ប្រើប្រាស់គ្រឿងញៀនជាដើម។ ម្យ៉ាងទៀត Miley បានបង្ហាញរូបរាងដ៏ស្រស់ស្អាតរបស់ខ្លួននៅលើក្របទស្សនាវដ្ដី Billboard ផងដែរ ដែលមើលទៅខុសពីមុនទាំងស្រុង។

“វាមិនគូរឲ្យជឿទេ ប៉ុន្តែខ្ញុំមិនបានជក់កញ្ឆាបាន៣អាទិត្យហើយ វាគឺជាពេលវេលាដែលយូរបំផុតដែលខ្ញុំអាចធ្វើបាន" នាងប្រាប់ Billboard ថាដូច្នេះ។ តារាចម្រៀង Wreking Ball នេះបានបន្តទៀតទេ នាងឈប់ផឹកស្រាទៀតហើយ គឺបញ្ឈប់បានទាំងស្រុងតែម្ដង។

ចំពោះបញ្ហាចំពោះ Miley និងគូដណ្តឹងតារាសម្ដែង Liam Hemsworth គឺដោយសារ Miley ផ្លាស់ប្ដូរច្រើនពេក កាលពីកំឡុងឆ្នាំ ២០១៣ ដែលជាហេតុធ្វើឲ្យទំនាក់ទំនងរបស់គេប្រេះឆា។ ប៉ុន្តែពួកគេបានជួបជុំគ្នាវិញតាំងពីឆ្នាំមុនមកម្ល៉េះ។ ម្យ៉ាងទៀត Miley បានប្រាប់ Billboard ថានាងនឹងបញ្ចេញបទចម្រៀងមួយបទនៅថ្ងៃទី១១ខែឧសភានេះ ដែលនិយាយពីរឿងរ៉ាវស្នេហារបស់នាង និងគូដណ្ដឹង Liam Hemsworth ដែលមានចំណងជើងថា "Malibu”៕