ចម្លែក! ចង់ព្យាបាលជំងឺទល់លាមក ប្រើអន្ទង់ត្បុរចូលពោះ ចុងក្រោយរត់រកពេទ្យ

2017-05-08 07:11:24
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនម្នាក់ បានធ្វើឲ្យមនុស្សជាច្រើនភ្ញាក់ផ្អើលផង និងហួសចិត្តផង បន្ទាប់ពីយកសត្វអន្ទង់ធំល្មមមួយក្បាលឲ្យជួយព្យាបាលជំងឺទល់លាមក រហូតត្រូវវះកាត់។

បើតាមប្រភពបញ្ជាក់ថា បុរសនោះបានយកអន្ទង់រស់ញាត់តាមទ្វារលាមករបស់ខ្លួន តែត្រូវអន្ទង់ត្បុរចូលជ្រៅទៅក្នុងពោះធ្វើឲ្យឈឺចុកចាប់ខ្លាំងឡើងៗ ទើបប្រញាប់រត់រកពេទ្យឲ្យជួយ។

គ្រូពេទ្យទីក្រុងក្វាងចូវ ខេត្តក្វាងទុង បានសម្រេចវះកាត់ភ្លាមៗ ទើបឃើញអន្ទង់ក្នុងពោះនៅរស់ប្រវែង ៦០សង់ទីម៉ែត្រ។ គ្រូពេទ្យបញ្ជាក់ថា អន្ទង់នោះបានងាប់ពេលយកចេញពីពោះ ក្រោយវះកាត់បន្តិច។

អ្នកជំងឺអាយុ ៤៩ឆ្នាំ សុំមិនបញ្ចេញឈ្មោះរូបនេះប្រាប់គ្រូពេទ្យថា គេជ្រើសរើសវិធីព្យាបាលដូច្នេះ ដោយសារតែឮតៗគ្នាថា អន្ទង់រស់អាចជួយព្យាបាលជំងឺទល់លាមកបានយ៉ាងមានប្រសិទ្ធភាព ទើបសម្រេចចិត្តសាកតាមដោយមិនគិតច្រើនតែម្ដង។

គ្រូពេទ្យចូលរួមវះកាត់ម្នាក់ទៀតប្រាប់ថា ពេលអ្នកជំងឺមកដល់មន្ទីរពេទ្យភ្លាម អ្នកជំងឺចុកចាប់ខ្លាំង ហើយពោះអ្នកជំងឺហើមធំដូចប៉េងប៉ោង៕