ច្បាស់ហើយ! Messi នឹងរៀបការជាមួយមិត្តស្រីនៅខែក្រោយ
- 2017-05-11 03:52:49
- ចំនួនមតិ 0 | ចំនួនចែករំលែក 0
ច្បាស់ហើយ! Messi នឹងរៀបការជាមួយមិត្តស្រីនៅខែក្រោយ
ចន្លោះមិនឃើញ
ទីបំផុត Leo Messi និងមិត្តស្រីយូរឆ្នាំនាង Antonella Roccuzzo បានកំណត់ពីថ្ងៃមង្គលការ និងទីតាំងរៀបចំពិធីហើយ។
កាលពីឆ្នាំ ២០១៦ ខ្សែប្រយុទ្ធវ័យ២៩ឆ្នាំបានប្រាប់ពីគម្រោងរៀបការជាមួយមិត្តស្រីបន្ទាប់ពីស្រលាញ់គ្នាអស់ពេលជាច្រើនឆ្នាំ និងមានកូនប្រុស២នាក់។ បើតាមប្រភពព័ត៌មានពី The Sun ឲ្យដឹងថាមង្គលការរបស់ Messi នឹងប្រារព្ធពិធីនៅទីក្រុង Rosario ប្រទេសអាហ្សង់ទីនជាស្រុកកំណើតរបស់ពួកគេទាំងពីរ ហើយធ្វើម្ដងទៀតនៅទីក្រុង Barcelona ប្រទេសអេស្ប៉ាញ។
ចំពោះកាលបរិច្ឆេទវិញនឹងធ្វើថ្ងៃទី៣០ ខែមិថុនា មានន័យថា៦ថ្ងៃ ក្រោយខួបកំណើតរបស់ Messi ឈានចូលវ័យ៣០ឆ្នាំ នៅថ្ងៃទី២៤ ខែមិថុនា។ តាមគម្រោងភ្ញៀវដែលចូលរួមនឹងមានប្រមាណ៧០០នាក់ ក្នុងនោះមានដូចជា តារាបាល់ទាត់ល្បីៗជុំវិញពិភពលោក, អ្នកសារព័ត៌មាន និងមិត្តភ័ក្ដិសាច់ញាតិគ្រួសារទាំងសងខាង៕