ហ្គេម Sims ល្បីលេងកាលពីតូច មានលើ Android និង iOS ហើយ
- 2017-05-11 06:44:55
- ចំនួនមតិ 0 | ចំនួនចែករំលែក 0
ហ្គេម Sims ល្បីលេងកាលពីតូច មានលើ Android និង iOS ហើយ
ចន្លោះមិនឃើញ
The Sims ជាហ្គេមកុំព្យូទ័រដ៏ល្បីមួយកាលពីអំឡុងឆ្នាំ ២០០០ ហើយពេលនេះបានវិវត្តន៍ខ្លួនក្លាយជាហ្គេមទូរសព្ទដោយមានឈ្មោះថា The Sims Mobile។ ហ្គេមនេះមានដាក់ឲ្យទាញយកសម្រាប់ប្រទេសប្រេស៊ីលនៅថ្ងៃនេះ ហើយនឹងចាប់ផ្ដើមមានក្នុងប្រទេសដទៃទៀតជាបន្តបន្ទាប់។
ក្រុមហ៊ុន EA មិនបានបង្ហាញអ្វីខ្លួនឡើយពីវិធីនៃការលេងហ្គេមនេះ ប៉ុន្តែហ្គេមនេះធ្វើឡើងដោយផ្អែកតាម The Sims 4។ The Sims Mobile នឹងជាហ្គេមដែលអាចលេងបានដោយឥតគិតថ្លៃដោយមានរួមបញ្ចូលមុខងារទូទៅរបស់ The Sims ដែលអ្នកអាចឌីហ្សាញតួអង្គ និង ផ្ទះរបស់តួអង្គបានតាមចំណង់ចំណូលចិត្ត។
ត្បិតថា The Sims ជាហ្គេមមានអាយុកាលយូរមែនប៉ុន្តែចំនួនអ្នកលេង The Sims 4 ដែលជាហ្គេមជំនាន់ចុងក្រោយ មានការកើនឡើង ៣៣% បើប្រៀបនឹងរយៈពេលដូចគ្នាកាលពីឆ្នាំមុន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
