The Rock ៖ ខ្ញុំមានសមត្ថភាពគ្រប់គ្រាន់ សម្រាប់តំណែងប្រធានាធិបតីសហរដ្ឋអាមេរិក!

2017-05-11 23:26:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងល្បីឈ្មោះ Dwayne 'The Rock' Johnson បាននិយាយថាខ្លួននឹងអាចឈរឈ្មោះជាបេក្ខជនប្រធានាធិបតី។

តារាវ័យ ៤៥ ឆ្នាំរូបនេះជឿជាក់ថាខ្លួនមានសមត្ថភាពគ្រប់គ្រាន់ដើម្បីក្លាយជាប្រធានាធិបតីសហរដ្ឋអាមេរិក ដែលលោកធ្លាប់គិតពីបញ្ហានេះជាច្រើនដងរួចមកហើយ ចំពោះការប្រលូកចូលនយោបាយរបស់លោកតាំងពីឆ្នាំមុន។

តារាសម្ដែងក្នុងរឿង Baywatch រូបនេះបានប្រាប់ GQ magazine ថា៖ "មួយឆ្នាំមុន វាបានធ្វើឲ្យខ្ញុំគិតពីវាកាន់តែខ្លាំងឡើងៗ។ វាគឺជារឿងមួយធ្វើឲ្យខ្ញុំខ្វល់ខ្វាយពីវា ដែលធ្វើឲ្យខ្ញុំទៅផ្ទះវិញហើយគិតពីវា។ អីចឹង ចាំខ្ញុំគិតឲ្យច្បាស់សិនរួចខ្ញុំនឹងផ្ដល់ចម្លើយតាមក្រោយដែលពោរពេញនូវការពិតនិងដោយគោរព"។ បន្ទាប់ទើបលោកបានបញ្ជាក់ថា លោកមានទំនុកចិត្ត ដើម្បីក្លាយជាមេដឹកនាំសហរដ្ឋអាមេរិក ដែលនឹងយកចិត្តទុកដាក់ពីប្រជាពលរដ្ឋអាមេរិកគ្រប់រូប។

តារាសម្តែងរឿងFast & Furious រូបនេះក៏បានប្រាប់ fashion monthly magazine ថា៖ "បើសិនជាខ្ញុំជាប្រធានាធិបតី ស្មើភាពគឺជារឿងសំខាន់ ភាពដឹកនាំគឺជារឿងសំខាន់ និងទទួលខុសត្រូវចំពោះប្រជាជនគ្រប់រូប។ ហើយប្រសិនជាខ្ញុំមិនយល់ស្របជាមួយនរណាម្នាក់ចំពោះរឿងអ្វីមួយ ខ្ញុំនឹងមិនខ្វល់ចំពោះគំនិតរបស់គេទេ ខ្ញុំនឹងបញ្ចូលគំនិតទាំងនោះ។ រឿងដំបូងបំផុតដែលត្រូវធ្វើគឺចូលរួមគ្នាពិភាក្សាអំពីបញ្ហាទាំងនោះ។ មនុស្សយើងគ្រប់គ្នាសុទ្ធតែមានបញ្ហា ហើយត្រូវតែដោះស្រាយ។ ទោះបីជាមានរឿងជាច្រើនដែលគិតមិនត្រូវគ្នា ឫមិនយល់ស្របគ្នាយើងត្រូវតែដោះស្រាយ។"

លើសពីនេះទៅទៀត តារាសម្ដែងមាឌធំរូបនេះក៏បានការទទួលស្គាល់ពីសំណាក់អ្នកដឹកនាំខ្លួន និងអ្នកគាំទ្រថាប្រាកដជាបោះឆ្នោតជូនតារារូបនេះ។

គួរបញ្ជាក់ថា ប្រជាធិបតីអាមេរិកសព្វថ្ងៃលោក Donald Trump ក៏ធ្លាប់ជាតារាសម្ដែងផងដែរ។ រាប់បញ្ចូលនឹងប្រធានាធិបតីមួយរូបទៀតគឺលោក Ronald Reagan ដែលធ្លាប់សម្ដែងរឿងហូលីវូដមួយចំនួន៕