2PM នៅតែជាក្រុមរកចំណូលបានខ្ពស់សម្រាប់ JYP មិនមែន TWICE

2017-05-14 05:31:29
ចំនួនមតិ 0 | ចំនួនចែករំលែក 0

ចន្លោះមិនឃើញ

Junho សមាជិកក្រុម 2PM លើកឡើងថាសព្វថ្ងៃក្រុមចម្រៀងរបស់លោកនៅតែជាក្រុមរកចំណូលបានច្រើនបំផុតប្រចាំផលិតកម្ម JYP មិនមែនក្រុមចម្រៀង Twice នោះទេ។

ថ្មីៗនេះតារាចម្រៀងរបស់ផលិតកម្ម JYP គឺ Junho មកពីក្រុម 2PM និង Sana, Tzuyu មកពីក្រុម Twice បានចូលរួមក្នុងកម្មវិធី Happy Together របស់ទូរទស្សន៍ KBS បាននិយាយលើកឡើងពីក្រុមចម្រៀងដែលរកចំណូលបានច្រើនបំផុតក្នុងក្រុមហ៊ុន។

Junho និយាយថាដោយសារតែប្រជាប្រិយភាពរបស់ Twice នៅកូរ៉េ ល្បីខ្លាំង ទើបអ្នកគាំទ្រគិតថា Twice រកចំណូលបានច្រើនបំផុតសម្រាប់ JYP តែជាក់ស្ដែងមិនមែនទេគឺនៅតែ 2PM ដដែល។

Junho សមាជិកក្រុម 2PM

“2PM មិនសូវឡើងទូរទស្សន៍ញឹកញាប់ ធ្វើឲ្យអ្នកគាំទ្រគិតថាពួកយើងបានសម្រាក តែតាមពិតទៅយើងមិនបានសម្រាកទេ យើងកំពុងមមាញឹកជាមួយការប្រគំតន្ត្រីនៅបរទេស ដូច្នេះហើយ 2PM នៅតែជាក្រុមរកចំណូលបានច្រើនដដែល" Junho បញ្ជាក់។

ម្ចាស់បទ "Hands Up” បានបន្ថែមទៀតថាថ្មីៗនេះអ្នកគាំទ្ររិះគន់លោកយ៉ាងចាស់ដៃកំឡុងពេលថតកម្មវិធី I Live Alone របស់ទូរទស្សន៍ MBC លោកបានបង្ហាញផ្ទះផ្ទាល់ខ្លួនរបស់លោក។ អ្នកគាំទ្ររិះគន់យ៉ាងមើលងាយថា 2PM មិនល្បីផង ហេតុអ្វីសមាជិកក្រុមមានលុយទិញវីឡាដ៏ប្រណិតបែបនេះ?

Sana, Tzuyu មកពីក្រុម Twice

“ដោយសារ 2PM មិន Promote នៅកូរ៉េ ធ្វើឲ្យពួកគាត់យល់ថា យើងមិនមានសកម្មភាពអ្វីទាំងអស់។ ហេតុអ្វីមានសមត្ថភាពរស់នៅក្នុងផ្ទះប្រណិតបែបនេះ តែជាក់ស្ដែងខ្ញុំមិនដែលបានសម្រាកនោះទេ ខ្ញុំធ្វើការរហូត សង្ឃឹមថាអ្នកគាំទ្រនឹងយល់" Junho បញ្ជាក់បន្ថែម៕

ប្រភព៖ Koreaboo ប្រែសម្រួល៖ Samedy