UN ព្រមានដាក់ទណ្ឌកម្មថ្មី លើការសាកល្បងមីស៊ីលរបស់កូរ៉េខាងជើង
- 2017-05-16 04:04:51
- ចំនួនមតិ 0 | ចំនួនចែករំលែក 0
UN ព្រមានដាក់ទណ្ឌកម្មថ្មី លើការសាកល្បងមីស៊ីលរបស់កូរ៉េខាងជើង
ចន្លោះមិនឃើញ
ក្រុមប្រឹក្សាសន្តិសុខរបស់អង្គការសហប្រជាជាតិ បានថ្កោលទោសជាឯកច្ឆន្ទ ចំពោះការសាកល្បងមីស៊ីលចុងក្រោយបង្អស់ របស់កូរ៉េខាងជើង និងបានព្រមានពីការដាក់ទណ្ឌកម្មថ្មីផងដែរ។
នៅក្នុងសេចក្ដីថ្លែងការណ៍មួយ របស់ក្រុមប្រឹក្សាដែលមានសមាជិកចំនួន ១៥រូប បានទាមទារឲ្យក្រុងព្យុងយ៉ាង (កូរ៉េខាងជើង) បញ្ឈប់ការសាកល្បងបន្តទៀត។
គួររំលឹកថា កូរ៉េខាងជើង បាននិយាយថា មីស៊ីលដែលខ្លួនបានសាកល្បង កាលពីថ្ងៃអាទិត្យ កន្លងទៅនេះ គឺជាប្រភេទគ្រាប់មីស៊ីលថ្មី ដែលមានសមត្ថភាពអាចផ្ទុកក្បាលគ្រាប់នុយក្លេអ៊ែរ។ មីស៊ីលនោះបានហោះចម្ងាយ ៧០០គីឡូម៉ែត្រ ឈានដល់កម្ពស់ ២ ០០០គីឡូម៉ែត្រ និងធ្លាក់នៅភាគខាងលិចនៃសមុទ្រជប៉ុន៕