ម្តាយចាស់ឈឺដេកមួយកន្លែង កូនៗមិនមកមើល ឯកូនច្បងនិយាយមួយម៉ាត់ ស្ទើរតែលែងចង់រស់
- 2017-05-16 08:28:22
- ចំនួនមតិ 0 | ចំនួនចែករំលែក 0
ម្តាយចាស់ឈឺដេកមួយកន្លែង កូនៗមិនមកមើល ឯកូនច្បងនិយាយមួយម៉ាត់ ស្ទើរតែលែងចង់រស់
ចន្លោះមិនឃើញ
ស្ត្រីចំណាស់ វ័យ៨០ឆ្នាំម្នាក់ បានឈឺធ្ងន់រហូតដេកលើគ្រែទ្រឹងមួយកន្លែង អស់រយៈពេលជាង ១ខែមកហើយ ដោយកូនទាំង៤ មិនបានរវីរវល់មកមើលថែម្ដាយឡើយ។
អ្នកស្រី Zhang Luanmei បានដួល និងរងរបួសក្បាល កាលពីដើមខែមេសា នៅឯផ្ទះ ស្ថិតក្នុងទីក្រុង Shantou ខេត្ត Guangdong ប្រទេសចិន។ ជាសំណាងល្អ អ្នកស្រីត្រូវបានអ្នកជិតខាងចិត្តល្អ ជួយមើលថែទាំ បើមិនដូច្នោះទេ ប្រាកដជាវេទនាជាមិនខាន។
អ្វីដែលគួរឲ្យសង្វេគនោះគឺ ស្វាមីអ្នកស្រីបានស្លាប់ចោលអ្នកស្រី ហើយកូនប្រុស២នាក់ និងកូនស្រី២នាក់ទៀត មិនបានមករស់នៅមើលថែអ្នកស្រីឡើយ ដោយទុកឲ្យអ្នកស្រីរស់នៅតែម្នាក់ឯង និងដើរសុំទានគេតាមដងផ្លូវ អស់រយៈពេលជាច្រើនឆ្នាំ។
រហូតមកទល់ពេលថ្មីៗនេះ កូនស្រីពៅអ្នកស្រី ដែលធ្វើការនៅក្នុងទីក្រុងផ្សេង បានវិលត្រលប់មកផ្ទះវិញ ដើម្បីបញ្ជូនអ្នកស្រីទៅកាន់មន្ទីរពេទ្យ។ កូនស្រីពៅរូបនោះ បានឲ្យដឹងថា បងប្រុសធំរបស់ខ្លួន អាយុ៥៥ឆ្នាំ ក៏រស់នៅឯ Shantou ដែរ ប៉ុន្តែបានបដិសេធមិនព្រមមកមើលថែម្ដាយឡើយ។
កូនស្រីពៅខាងលើ បាននិយាយថា «គាត់ (កូនប្រុសច្បង) មិនមកមើលម៉ែនៅឯផ្ទះ ឬផ្ញើលុយឲ្យម៉ែខ្លះឡើយ។ គាត់បាននិយាយថា គាត់មានជំងឺលើសឈាម មិនអាចមកបានឡើយ។ គាត់ក៏បាននិយាយទៀតថា វាមិនមែនជារឿងធំឡើយ បើម៉ែស្លាប់នោះ»៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
