Taylor Swift លាក់លៀមស្នេហ៍ថ្មីជាមួយតារាប្រុសក្មេងម្នាក់ទៀតហើយ
- 2017-05-17 02:35:30
- ចំនួនមតិ 0 | ចំនួនចែករំលែក 0
Taylor Swift លាក់លៀមស្នេហ៍ថ្មីជាមួយតារាប្រុសក្មេងម្នាក់ទៀតហើយ
ចន្លោះមិនឃើញ
ទំនាក់ទំនងរបស់តារាចម្រៀង Taylor Swift និង មិត្តប្រុសថ្មីចាប់ផ្ដើមត្រូវបានមហាជនផ្ដោតអារម្មណ៍ទៀតហើយ បន្ទាប់ពីនាងបានលាក់លៀមមួយរយៈ។
តារាចម្រៀងវ័យ ២៧ឆ្នាំ ដែលជាម្ចាស់បទ "Love Story” រូបនេះត្រូវបានរាយការណ៍ថា កំពុងភ្ជាប់ទំនាក់ទំនងស្នេហាជាមួយ តារាសម្ដែងវ័យ ២៦ឆ្នាំ ជនជាតិអង់គ្លេស Joe Alwyn។ តារាទាំង២ បានលាក់លៀមពី សម្ពន្ធភាពរបស់ពួកគេ ហាក់មិនចង់ឲ្យមានការលេចឮទៅកាន់មជ្ឈដ្ឋានជុំវិញខ្លួនឡើយ។
ប៉ុន្តែកន្លងទៅថ្មីនេះ Taylor ត្រូវបានឲ្យដឹងថា បានចំណាយពេលប៉ុន្មានថ្ងៃក្នុងទីក្រុង London ហើយនាងបន្លំខ្លួនដោយគ្មាននរណាចំណាំបានឡើយ ក្នុងបំណងបិទបាំងស្នេហារបស់ខ្លួន។
គូស្នេហ៍ទាំង ២នេះត្រូវបានដឹងថាមានទំនាក់ទំនងពិសេសនេះរយៈពេលច្រើនខែកន្លងមកហើយ។ ដោយឡែកបើតាមប្រភពជិតស្និទ្ធមួយបានបង្ហើបថា តារាស្រីរូបនេះចង់រក្សាការសំងាត់ពីទំនាក់ទំនងមួយនេះ ក្នុងបំណងចង់មើលចិត្ត តារាសម្ដែងប្រុស Joe Alwyn ទើបមិនទាន់បើកចំហខ្លាំង។
យ៉ាងណាមិញ Joe គឺជាមនុស្សដំបូងហើយ ដែល Taylor ភ្ជាប់ទំនាក់ទំនងជាមួយ ចាប់តាំងពីបានចែកផ្លូវជាមួយ តារាសម្ដែងជនជាតិអង់គ្លេស Tom Hiddleston៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
