អ្នកនិពន្ធនៅសាន់ដេចេញបទចម្រៀងខ្លួនឯងឡើងម៉ាអេម!

2017-05-17 06:40:23
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សយ សិរីវុឌ្ឍ ដែលជាអ្នកនិពន្ធដ៏ល្បីឈ្មោះមួយរូបនៅផលិតកម្មសាន់ដេបានចេញផលិតបទច្រៀង Original Song និងច្រៀងដោយខ្លួនឯងផ្ទាល់ដោយមិនចូលផលិតកម្មណាមួយឡើយ។

សយ សិរីវុឌ្ឍ បានប្រាប់ Sabay ថា ទោះបីជាពេលនេះលោកមានឈ្មោះជាអ្នកនិពន្ធ និងជាតារាចម្រៀងឯករាជ្យក្ដី ខ្លួននៅតែនិពន្ធបទចម្រៀងឲ្យផលិតកម្មសាន់ដេ ដដែលមិនបានដើរចេញពីសាន់ដេ នោះទេ។ ហេតុផលដែលលោកងាកមកចាប់អាជីពចម្រៀងផង ជាអ្នកនិពន្ធផងព្រោះចង់បន្សល់ទុកស្នាដៃឲ្យបានច្រើននៅក្នុងវិថីសិល្បៈ។

អ្នកនិពន្ធ និងជាតារាចម្រៀងដែលមានស្រុកកំណើតនៅខេត្តកំពង់ចាមក្បែរផ្ទះ លោក ខេមរៈ សិរីមន្ត បានថ្លែងថា៖ “ បទចម្រៀង Original Song លើកដំបូងដែលខ្ញុំនិពន្ធ និងច្រៀងដោយខ្ញុំផ្ទាល់គឺបទ "ចាញ់គេត្រង់បងក្រ" ជាបទបែបមនោសញ្ចេតនា"។

គួរបញ្ជាក់ថាកន្លងមកបទចម្រៀងដែល លោក សយ សិរីវុឌ្ឍ និពន្ធឲ្យតារាចម្រៀងផលិតកម្មសាន់ដេ ច្រៀងមានលោក ខេមរៈ សិរីមន្ត មានដូចជាបទ" ប្ដីអាវ៉ាស៊ែ" " ដើរចេញដើម្បីសេរីភាពអូន" ចំណែកកញ្ញា សុខ ពិសី មានបទ "ដើរចេញដើម្បីសេរីភាពបង" និងនិពន្ធឲ្យលោក ហង្ស ឧត្តមម៉ានី ជាដើម។