រឿងថ្មីរបស់ "អាមោកលក់ម៉ាំ" ដកស្រង់ពីជីវិតពិតរបស់អ្នកលក់ម៉ាំ

2017-05-18 02:25:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកម្មមហាហង្សបានសម្ពោធដាក់បញ្ចាំងជាផ្លូវការរឿង "អាមោកលក់ម៉ាំ" ល្ងាចមិញនេះនៅរោងភាពយន្ត Major Cineplex By Cellcard ដោយរឿងនេះដក់ស្រង់ចេញពីជីវិតពិតមួយចំនួនចំពោះអ្នកប្រកបរបរលក់ម៉ាំផងដែរ។

បើតាមកញ្ញា ដាណា ប្រធានផ្នែកទីផ្សារនៅផលិតកម្មមហាហង្សបានឲ្យដឹងថា រឿង "អាមោកលក់ម៉ាំ" ខុសប្លែកពីរឿងមុនៗ ព្រោះនេះមានគ្រប់រស់ជាតិមានទាំងកំប្លែងអភិនីហារ ហើយអ្វីដែលពិសេសជាងនេះទៅទៀតនោះរឿងនេះដែរផលិតកម្មមហាហង្សបានដក់ស្រង់ ចេញពីជីវិតពិតក្មេងប្រុសមួយចំនួនដែលមានគំនិតច្នៃប្រឌិតខ្ពស់ក្នុងការលក់ម៉ាំ។

“ចាសចំពោះរឿង "អាមោកលក់ម៉ាំ" ផលិតកម្មមហាហង្សសង្ឃឹមថា នឹងទទួលបានការគាំទ្រដូចរឿងមុនៗ ព្រោះរឿងនេះប្រមូលផ្ដុំទៅដោយតួល្បីៗជាច្រើនរូប។ ចំណែកឯដើមទុនក្នុងការផលិតវិញអស់ជាង ៥ ម៉ឺនដុល្លារ"។ ប្រធានផ្នែកទីផ្សាររូបនេះថ្លែង។

រឿង "អាមោកលក់ម៉ាំ" នឹងត្រូវចាក់បញ្ចាំងគ្រប់រោងភាពយន្តទំនើបៗក្នុងរាជធានីភ្នំពេញ និងនៅខេត្តសៀមរាបចាប់ពីថ្ងៃទី ១៨ ខែ ឧសភា ឆ្នាំ ២០១៧ នេះហើយ។ រួមសម្ដែងដោយលោក ប៉ែន ចំរុង កញ្ញា ជីជី លោក ហម ឈររ៉ា លោក ជា សំណាង ឌីជេ កណ្ដុរ និងតារាសម្ដែងប្រុសស្រីជាច្រើនរូបទៀត៕