ដូណាល់ ត្រាំ កំពុងជួបបញ្ហាវ័ណ្ឌក ឯពូទីនថា "អត់អីទេ! ចាំឯងជួយ"

2017-05-18 05:02:10
ចំនួនមតិ 0 | ចំនួនចែករំលែក 0

ចន្លោះមិនឃើញ

The Front Page ជានាទីនិយាយរៀបរាប់អំពីព្រឹត្តិការណ៍នយោបាយពិភពលោកខ្លះៗដែលកំពុងកើតមាន និងកំពុងល្បីនៅលើបណ្ដាញសារព័ត៌មានអន្តរជាតិនានា។ ដូចសព្វមួយដង ព្រឹកនេះយើងបាននាំយករឿងរ៉ាវគួរឲ្យចាប់អារម្មណ៍ ៣ ជូនប្រិយមិត្តបានអាន និងបានទស្សនាវីដេអូខាងក្រោម។

១. នាយករដ្ឋមន្ត្រីអៀកឡង់ សុខចិត្តចុះចេញពីតំណែង

នាយករដ្ឋមន្ត្រីប្រទេសអៀរឡង់លោក Enda Kenny បានប្រកាសលាលែងចេញពីតំណែងហើយ តែមិនទាន់ចុះភ្លាមៗទេ រង់ចាំសភាជ្រើសរើសអ្នកជំនួសថ្មីសិន។ នេះបើតាមកិច្ចប្រជុំសភាកាលពីថ្ងៃអង្គារម្សិលមិញ ហើយអ្នកស្នងតំណែងនឹងត្រូវតែងតាំងនៅថ្ងៃទី២ មិថុនា។

លោក Kenny មានវ័យ ៦៦ឆ្នាំ ត្រូវបានបោះឆ្នោតជាប់ជានាយករដ្ឋមន្ត្រីអៀរឡង់ក្នុងឆ្នាំ ២០១១។ មូលហេតុធ្វើឲ្យគាត់ប្រកាសលាលែង បន្ទាប់ពីសមាជិកបក្សដាក់សម្ពាធ ព្រោះតែមិនពេញចិត្តការដឹកនាំរបស់លោក។

លោក Enda Kenny

**២. ប្រទេសអូស្ត្រាលីព្យាយាមដើរតាមគន្លងសហរដ្ឋអាមេរិក និងអឺរ៉ុបក្នុងការហាមគ្រឿងអេឡិចត្រូនិកលើកយន្តហោះ**

ប្រទេសអូស្ត្រាលីបានព្យាយាមដើរតាមពីក្រោយសហរដ្ឋអាមេរិក និងសហភាពអឺរ៉ុបក្នុងការហាមកុំព្យូទ័រយួរដៃ (Laptop) និងគ្រឿងអេឡិចត្រូនិកមួយចំនួនទៀតលើកលែងទូរសព្ទដៃ នៅតាមជើងហោះហើរនានាដើម្បីការពារប្រព័ន្ធសុវត្ថិភាពពីការធ្វើភេរវកម្មរបស់ ISIS។

លោកនាយករដ្ឋមន្ត្រីអូស្ត្រាលី Malcolm Turnbull បានមានប្រសាសន៍ថា រដ្ឋាភិបាលកំពុងសម្លឹងមើលយ៉ាងជាប់ខ្ជួនក្នុងការដាក់ចេញបម្រាមហាមឃាត់គ្រឿងអេឡិចត្រូនិកខាងលើ ពោលគឺធ្វើតាមប្រធានាធិបតីអាមេរិកដូណាល់ ត្រាំ ដែលបានដាក់ចេញកាលពីខែមិនាកន្លងទៅក្នុងការហោះហើរពីប្រទេសមូស្លីមចំនួន៨។

៨. ដូណាល់ ត្រាំ កំពុងជួបបញ្ហាវ័ណ្ឌក ឯពូទីនថា "អត់អីទេ! ចាំឯងជួយ"

បន្ទាប់ពី ដូណាល់ ត្រាំ ជាប់ឆ្នោតជាប្រធានាធិបតីសហរដ្ឋអាមេរិកទី ៤៥ លោកបានជួបបញ្ហាជាច្រើនក្នុងការដឹកនាំប្រទេសជាមួយការចោទ និងសង្ស័យជាបន្តបន្ទាប់។ ក្នុងនោះរួមមាន បក្សប្រជាធិបតេយ្យដែលជាគូប្រជែងក្នុងការបោះឆ្នោត បានដាក់ការសង្ស័យលើដូណាល់ ត្រាំ ថា មានការជួយជ្រោមជ្រែងសព្វបែបយ៉ាងពីប្រធានាធិបតីរុស្ស៊ីដើម្បីឲ្យលោកឈ្នះឆ្នោតដោយរាប់ចាប់ពីការធ្វើយុទ្ធនាការឃោសនាបោះឆ្នោតមកម្ល៉េះ។

ដូណាល់ ត្រាំ បានបញ្ឈប់ប្រធានភ្នាក់ងារស៊ើបការណ៍សម្ងាត់ FBI លោក James Comey ដោយចោទថា James ធ្វើការអត់កើត។ ប៉ុន្តែក្រោយមកលោក James បញ្ជាក់ថា មកពីខ្លួនបានជជែកជាមួយក្រសួងយុត្តិធម៌ និងសមាជិកសភាទាមទារឲ្យបន្ថែមការស៊ើបអង្កេតករណីដូណាល់ ត្រាំ ស្ថិតក្នុងការសង្ស័យថា លោកពូទីន ជាអ្នកនៅពីក្រោយធ្វើឲ្យ ត្រាំ ឈ្នះឆ្នោត។

ដូណាល់ ត្រាំ

ភាគីអាមេរិកត្រូវជួបពិភាក្សាជាមួយភាគីរុស្ស៊ីដើម្បីដោះស្រាយវិបត្តិនុយក្លេអ៊ែរនៅកូរ៉េខាងជើង និងមួយទៀតការបង្កើតតំបន់សុវត្ថិភាពនៅប្រទេសស៊ីរីជាដើម។ សូមទស្សនាព័ត៌មានលម្អិតខាងក្រោម៖

អត្ថបទ៖ ឡេង ភារុណ