FFC នឹងប្រកាសឈ្មោះក្រុមជម្រើសជាតិផ្លូវការ ថ្ងៃទី២៩ ខាងមុខនេះ

2017-05-18 06:53:04
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធបាល់ទាត់កម្ពុជានឹងប្រកាសបង្ហាញឈ្មោះសមាជិកក្រុមបាល់ទាត់ជម្រើសជាតិកម្ពុជាវេលាម៉ោងប្រហែល៣រសៀលថ្ងៃទី២៩ ខែឧសភា ឆ្នាំ២០១៧ខាងមុខនេះទីស្នាក់ការរបស់សហព័ន្ធបាល់ទាត់កម្ពុជានៅពហុកីឡដ្ឋានជាតិ។ ក្នុងពិធីប្រកាសបង្ហាញឈ្មោះសមាជិកក្រុមបាល់ទាត់ជម្រើសជាតិកម្ពុជានេះក៏នឹងមានសន្និសីទសារព័ត៌មានផងដែរដែលអ្នកសារព័ត៌មានអាចចូលរួមយកព័ត៌មានបាន។ នេះបើតាមការឲ្យដឹងពីលោក Leonardo Vitorino គ្រូបង្វឹកក្រុមបាល់ទាត់ជម្រើសជាតិកម្ពុជា។

ក្រុមបាល់ទាត់ជម្រើសជាតិកម្ពុជា

ការប្រកាសបង្ហាញឈ្មោះសមាជិកក្រុមបាល់ទាត់ជម្រើសជាតិកម្ពុជានេះគឺដើម្បីប្រមូលផ្តុំនៅថ្ងៃទី៣ ខែមិថុនា ឆ្នាំ២០១៧ដើម្បីហ្វឹកហាត់ត្រៀមប្រកួតមិត្តភាពអន្តរជាតិជាមួយក្រុមបាល់ទាត់ជម្រើសជាតិឥណ្ឌូណេស៊ីនៅថ្ងៃទី៨ ខែមិថុនា និងទទួលស្វាគមន៍ក្រុមខ្លាំងអាហ្វហ្គានីស្ថានក្នុងយុទ្ធនាការណ៍ពានរង្វាន់ទ្វីបអាស៊ី (Asian Cup) វគ្គជម្រុះជុំទី៣ក្នុងពូល C។

នេះជាលើកទី២ហើយក្នុងការបង្ហាញឈ្មោះសមាជិកក្រុមជម្រើសជាតិកម្ពុជាក្រោមការដឹកនាំរបស់លោកគ្រូបង្វឹកសញ្ជាតិប្រេស៊ីល Leonardo Vitorino៕