Selena ចេញបទថ្មី "Bad Liar" ជាមួយរូប Artwork បង្ហាញពីរឿងផ្ទាល់ខ្លួនមួយ

2017-05-18 07:51:52
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះបន្តិចតារាចម្រៀង Selena Gomez ទើបតែបញ្ចេញបទចម្រៀងមួយបទដែលមានចំណងជើងថា "Bad Liar”។ បទចម្រៀងនេះត្រូវបាននាងផ្សព្វផ្សាយជាច្រើនថ្ងៃរួចមកហើយតាមរយៈបណ្ដាញសង្គម Instagram។ ម្សិលមិញនេះនាងបានបង្ហាញរូបថត Artwork សម្រាប់បទនេះដែលថតដោយអ្នកថតរូប Petra Collins។

ប៉ុន្តែនៅលើកដៃរបស់ Selena នោះគឺមានខ្សែដៃពណ៌លឿងមួយដែលសរសេរថា "Risk” មានន័យថាប្រឈមមុខនឹងគ្រោះថ្នាក់។ បើនៅតាមមន្ទីរពេទ្យ ខ្សែដៃពណ៌លឿងនេះគឺបំពាក់ដល់អ្នកជំងឺដែលប្រឈមមុខនឹងគ្រោះថ្នាក់។ តំណាងសមាគមមន្ទីរពេទ្យនៅអាមេរិក បានពន្យល់ថា ពណ៌លឿងគឺសំដៅទៅលើអ្នកជំងឺដែលត្រូវតែចាប់អារម្មណ៍ និងយកចិត្តទុកដាក់បំផុត។ ពេលខ្លះបន្ទាប់ពីអ្នកជំងឺធ្វើការវះកាត់ហើយ គេតែងតែពាក់ខ្សែដៃពណ៌លឿងនេះដើម្បីយកចិត្តទុកដាក់ ក្រែងលអ្នកជំងឺខ្សោយខ្លាំងនិងបាត់បង់ស្មារតី។

មូលហេតុដែល Selena ពាក់ខ្សែដៃពណ៌លឿងនេះព្រោះនាងទើបតែមកពីមន្ទីរពេទ្យដែលនាងត្រូវបានគេព្យាបាលជំងឺស្បែក Lupus។ អ្នកថតរូប Petra Collins បានបញ្ជាក់ពីបញ្ហានេះតាមរយៈបណ្ដាញសង្គម Instagram៕