តារា​ចម្រៀង​ថៃ​ស្រី​វ័យ​ក្មេង​ Jannine Weigel (Ploy Chompoo) បាន​អង្រួន​បេះដូង​របស់​មិត្ត​ៗ​យុវវ័យ​ជា​ថ្មី​ទៀត​ហើយ​តាម​រយៈ​បទ​ថ្មី​ ដែល​ពីរោះ​ជាប់​ចិត្ត​ស្ដាប់​ហើយ​ ចង់​ស្ដាប់​ម្ដង​ទៀត​។

តាម​រយៈ​ទឹក​ដម​សំឡេង​យ៉ាង​ក្រអួន​ក្រអៅ​ បូក​រួម​នឹង​សម្រស់​ស្រស់​ស្អាត​របស់​តារាស្រី​វ័យ​ ១៧​ឆ្នាំ​រូប​នេះ​ បាន​ធ្វើ​ឲ្យ​អ្នក​គាំទ្រ​នាង​កើនឡើងកាន់​តែ​ច្រើន​​ពី​ ១​ថ្ងៃ​ទៅ​មួយ​ថ្ងៃ​។ បទ​ចម្រៀង​របស់​នាង​ភាគ​ច្រើន​តែង​ទទួល​បាន​ការ​គាំទ្រ​ច្រើន​មិន​ធម្មតា​ ដូច​ធ្លាប់​បាន​ទទួល​ស្គាល់​កន្លង​មក​ដូចជា​បទ​ Away និង​ Because of you ជាដើម។​

ដោយឡែក​កាល​ពី​ថ្ងៃ​ ទី​ ១៦​ ខែ​ឧសភា​ កន្លង​ទៅ​ថ្មី​ៗ​នេះ​ វីដេអូ​បទ​ចម្រៀង​ថ្មី​របស់​ Jannine មាន​ចំណង​ជើង​ថា​ "ดีใจ (I'm glad)" ត្រូវ​បាន​ចេញ​ហើយ​ ហើយ​រយៈ​ពេល​ត្រឹម​ ២​ថ្ងៃ​សោះ​ ចំនួន​អ្នក​ចូល​ទស្សនា​បទ​នេះ​លើ​ YouTube គឺ​កើន​ឡើង​រហូត​ដល់​ ៦៩ម៉ឺន​ដង​ហើយ​។ ងាក​ទៅ​មើល​តួ​ប្រុស​ក្នុង​បទ​នេះ​គឺ​ ជា​តារា​ប្រុស​ដែល​សម្ដែង​ក្នុង​បទ​ "Away”៕

អត្ថបទ៖ យី សុធារី