មកស្គាល់អង្គរក្សរបស់ប្រធានាធិបតីរបស់កូរ៉េថ្មីសង្ហាមិនចាញ់តារាសម្ដែង កំពុងល្បីពេញអ៊ីនធឺណិត

2017-05-19 07:18:20
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីព័ត៌មានដែលទាក់ទងនឹងអង្គរក្សរបស់ប្រធានាធិបតីថ្មីកូរ៉េ បានលេចឮពេញប្រព័ន្ធអ៊ីនធឺណិតទូទាំងពិភពលោកជាពិសេសប្រទេសកូរ៉េ ឥឡូវនេះ គេបានជីកកកាយដឹងនូវព័ត៌មានទាក់ទងនឹងប្រុសស្អាតរូបនោះហើយ។

អង្គរក្សមួយរូបនេះមានឈ្មោះថា Choi Young Jae ដែលទទួលបានភាពល្បីល្បាញយ៉ាងខ្លាំងដោយសារតែរូបរាងសង្ហា និងមានសាច់ដុំធំគួរឲ្យទាក់ទាញមិនចាញ់តារា។ មូលហេតុនេះហើយ បានជាអ្នកប្រើប្រាស់ប្រព័ន្ធអ៊ីនធឺណិតបានរកឃើញរូបភាពចាស់ៗ របស់បុរសសង្ហាម្នាក់នេះដោះអាវបង្ហាញសាច់ដុំក្បាលពោះ៦កង់ កាច់រាងក្នុងរូបថតដូចតារាម៉ូដែល។

បន្ទាប់ពីខ្លួនចាប់ផ្ដើមល្បីខ្លាំង អង្គរក្សវ័យ ៣៦ឆ្នាំរូបនេះ បានឆ្លើយតបចំពោះប្រជាប្រិយភាពរបស់ខ្លួនប្រាប់សារព័ត៌មាន "The Korea Times” ថា៖ "ខ្ញុំមានអារម្មណ៍ល្អ ប៉ុន្តែក៏ព្រួយបារម្ភខ្លះដែរ ព្រោះខ្ញុំគឺជាអ្នកដែលទទួលការចាប់អារម្មណ៍ខ្លាំង ដែលការពិតគឺលោកប្រធានាធិបតីឯណោះទេដែលគួរតែទទួលបានការចាប់អារម្មណ៍ខ្លាំង"។

លោកបានបន្ថែមថា៖ "ខ្ញុំជានិស្សិតបញ្ចប់ការសិក្សាផ្នែកសេវាសន្តិសុខនៅសកលវិទ្យាល័យ Yong In ហើយធ្លាប់បានបម្រើការជាប៉ូលិសក្នុងក្រុមបញ្ជាការសង្គ្រាមពិសេស អស់រយៈពេល១០ឆ្នាំផងដែរ។ ខ្ញុំត្រូវបានទទួលងារកិត្តិយសនូវខ្សែក្រវ៉ាត់ខ្មៅ១១ដាន់សម្រាប់ផ្នែកក្បាច់គុន និងធ្លាប់ជាអ្នកបង្ហាត់យោធាក្នុងផ្នែកបង្ក្រាបភេរវកម្មផងដែរនៅក្រុមទី ៧០៧ ក្នុងក្រុមបញ្ជាការសង្គ្រាមរបស់ប្រទេសកូរ៉េ។ ខ្ញុំធ្លាប់ទៅត្រូវបានគេដាក់ទៅចុះបេសកម្មនៅទីក្រុង Lebanon និងនៅ United Arab Emirates ដោយធ្វើជាអ្នកឃ្លាំមើលជាន់ខ្ពស់ (VIP guard) ផងដែរ។"

ក្រៅពីអាជីពការងារលោក Choi Young Jae មានក្រុមគ្រួសាររួចទៅហើយ ដែលលោកមានកូនស្រី២រូប៕

តោះ! អីចឹងមកមើលរូបថតរបស់អង្គរក្សនេះបន្តិចមើល៍!!!