មកមើលផ្ទះតម្លៃ ២៥លានដុល្លារដែល Angelina ទើបនឹងទិញនៅក្បែរ Brad Pitt

2017-05-19 09:48:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាសម្ដែង Angelina Jolie បានរើអីវ៉ាន់មកស្នាក់នៅវិឡាថ្មីដែលទើបនឹងទិញកាលពីខែមេសា ដើម្បីមកនៅជាមួយកូនៗ។ អ្វីដែលគួរឲ្យចាប់អារម្មណ៍គឺផ្ទះនេះនៅជិតផ្ទះរបស់អតីតស្វាមីគឺ លោក Brad Pitt ខ្លាំង។

វិឡាដែលទើបនឹងទិញនោះគឺមានទីតាំងនៅទីក្រុង Los Angeles រដ្ឋ California ដែលមានចម្ងាយតែជាង១គីឡូម៉ែត្រតែប៉ុណ្ណោះពីផ្ទះរបស់លោក Brad Pitt។ អ្នកនាង Angelina Jolie មិនបានប្រាប់ពីមូលហេតុដែលធ្វើឲ្យមានការផ្លាស់ប្ដូរនេះទេ។ ប៉ុន្តែបើតាមប្រភពព័ត៌មានជាច្រើនបានឲ្យដឹងថា ការមកស្នាក់នៅវិឡាថ្មីនេះគឺដើម្បីឲ្យមានភាពងាយស្រួលសម្រាប់កូនៗរបស់នាង មានទំនាក់ទំនងជិតស្និទ្ធជាមួយឪពុក។ ថ្មីៗនេះនាងត្រូវបានគេប្រទះឃើញប្រមូលអីវ៉ាន់យ៉ាងច្រើនមកកាន់ផ្ទះថ្មីនេះ។

មិនត្រឹមតែប៉ុណ្ណោះ Angelina និងកូនៗក៏បានចេញទៅក្រៅដើម្បីទិញទំនិញយកមកដាក់ផ្ទះថ្មីផងដែរ ជាមួយនឹងកូនប្រុសសញ្ជាតិវៀតណាម Pax Thien និង Zahara។

ផ្ទះដែល Angelina ទិញនេះគឺមានតម្លៃ ២៥លានដុល្លារដែលធ្លាប់ជារបស់តារាសម្ដែង Cecil B.Demille ដែលមានទំហំ ៨,៥០០ម៉ែត្រការ៉េ និងហុំព័ទ្ធដោយដើមឈើយ៉ាងច្រើន។ វិឡានោះមានបន្ទប់គេងចំនួន ៦ និងបន្ទប់ទឹកចំនួន ១០។ ក្រៅពីនេះគឺមានអាងហែលទឹកក្រៅផ្ទះមួយ ដែលសមស្របសម្រាប់ផ្ទះដែលមានកូនច្រើន៕

អីចឹង! មកមើលរូបរាងរបស់វិឡានេះបន្តិចមើល៍!!!