រកឃើញចំណុចដែលប្រិយមិត្តពេញចិត្តបំផុតលើខ្លួនស្រីស្អាត មឿង សុភ័ក្រ
- 2017-05-21 03:20:21
- ចំនួនមតិ 0 | ចំនួនចែករំលែក 0
រកឃើញចំណុចដែលប្រិយមិត្តពេញចិត្តបំផុតលើខ្លួនស្រីស្អាត មឿង សុភ័ក្រ
ចន្លោះមិនឃើញ
តារាម៉ូដែល និងសម្ដែង មឿង សុភ័ក្រ ដែលបានចូលប្រឡូកសិល្បៈប្រមាណ២ឆ្នាំមកនេះ ត្រូវបានគេចាប់អារម្មណ៍តាមរយៈរូបសម្ផស្សស្រស់ស្អាតស្ទើរគ្រប់ផ្នែក ប៉ុន្តែក្នុងនោះមានមួយចំណុចដែលនាងបង្ហើបថា តែងមានគេសរសើរនាងឥតដាច់។
ចំណុចមួយនោះ មិនមែនស្ថិតកន្លែងណាមួយនៃរាងកាយនាងទេ ប៉ុន្តែជាអំណោយទានមួយពីធម្មជាតិ ហើយនោះគឺជាស្នាមញញឹម។ យុវតីវ័យ ២៣ឆ្នាំ រូបនេះប្រាប់ថា ជារឿយៗនាងត្រូវបានមនុស្សជិតស្និទ្ធសរសើរត្រង់ៗថា នាងមានស្នាមញញឹមទាក់ទាញ និងលេចធ្លោបំផុតមួយ។ ដូច្នេះហើយ នោះក៏ជាអ្វីដែលនាងស្រឡាញ់ចូលចិត្តខ្លួនឯងបំផុតដែរ។
កញ្ញា មឿង សុភ័ក្រ គឺជាអ្នករាជធានីភ្នំពេញ ហើយនាងគឺជាអតីតបេក្ខភាពក្នុងកម្មវិធី Cambodian Next Top Model ។ បើទោះមិនទទួលបានលទ្ធផលល្អពីការប្រឡង ពោលគឺបានត្រឹមបេក្ខភាព៦នាក់ចុងក្រោយក្ដី ប៉ុន្តែនាងត្រូវបានគេចាប់អារម្មណ៍តាមរយៈរូបសម្ផស្សស្រស់ស្អាត។ ដូច្នោះហើយ ចាប់ផ្ដើមមានមុខក្នុងការងារសិល្បៈជាច្រើនតាំងពីឆ្នាំ ២០១៥ ក្រោយការប្រកួតក្នុងកម្មវិធីខាងលើ។
ការងារដែល សុភ័ក្រ បាន និងកំពុងក្ដាប់បាននោះ មាន ថតស្ប៉តពាណិជ្ជកម្ម ដើរម៉ូដ និងបច្ចុប្បន្នបានឈានមកសម្ដែងទៀត ដោយនាងកំពុងសម្ដែងក្នុងរឿង "បំណុលផ្ទះជំពាក់ស្នេហ៍" ដែលកំពុងដំណើរការថត ត្រៀមចាក់លើកញ្ចក់ទូរទស្សន៍ TV8HD។ ជាមួយរូបសម្រស់ស្រស់សមសួននេះ ស្រីស្អាតខាងលើប្រាប់ថានាងមានកម្ពស់ ១,៦៨ ម៉ែត្រ ទំហំទាំងបីរបស់នាងគឺ ៣២ ២៧ និង ៣៤។
សម្ផស្សតួខ្លួនដែលមានខ្លួនមានបច្ចុប្បន្ន កូនពៅក្នុងគ្រួសាររូបនេះ ប្រាប់ថា គឺជាអំណោយពីធម្មជាតិសុទ្ធសាធ ដោយនាងមិនបានកែកុនកន្លែងណាមួយទេ នៅលើដងខ្លួនរបស់នាង រួមទាំងផ្ទៃមុខទៀត គឺធម្មជាតិទាំងអស់។ ទៅថ្ងៃមុខទៀត ក៏នាងមិនមានគម្រោងថានឹងវះកាត់កែកុនកន្លែងណាមួយដែរ ព្រោះតែនាងយល់ថា អ្វីដែលខ្លួនមានទាំងអស់ គឺសមសួនអស់ហើយ៕