ទិញចិញ្ចៀនពេជ្រឡៃឡុង ជាង១០ដុល្លារ មិនដឹងពិត ឬក្លែងក្លាយ ឥឡូវដឹងតម្លៃ ទើបភ្ញាក់ផ្អើល
- 2017-05-22 03:01:32
- ចំនួនមតិ 0 | ចំនួនចែករំលែក 0
ទិញចិញ្ចៀនពេជ្រឡៃឡុង ជាង១០ដុល្លារ មិនដឹងពិត ឬក្លែងក្លាយ ឥឡូវដឹងតម្លៃ ទើបភ្ញាក់ផ្អើល
ចន្លោះមិនឃើញ
ចិញ្ចៀនពេជ្រដ៏ធំមួយ ត្រូវបានគេរំពឹងថា នឹងលក់ដេញថ្លៃបានរហូតដល់ទៅ ៤៥៤ ០០០ដុល្លារ បន្ទាប់ពីម្ចាស់របស់វា បានទិញវានៅកន្លែងលក់ឡៃឡុង កាលពី៣០ឆ្នាំមុន ក្នុងតម្លៃត្រឹមតែ១៣ដុល្លារប៉ុណ្ណោះ ហើយគិតថាវាជារបស់ក្លែងក្លាយ។
ពេជ្រទំហំ ២៦,២៧ការាត់ដ៏ពិសេសនោះ ត្រូវបានគេសន្មតថា មិនមែនជារបស់ពិតឡើយ ដោយសារតែ នៅសតវត្សទី១៩ ពេជ្រមិនត្រូវបានគេកាត់ឲ្យចេញរាងភ្លឺចិញ្ចាច ដូចពេជ្រនាពេលបច្ចុប្បន្នឡើយ។
គួរឲ្យដឹងថា វាត្រូវបានគេយកមកដាក់លក់ឡៃឡុង នៅក្បែរមន្ទីរពេទ្យ West Middlesex Hospital ស្ថិតនៅក្នុងក្រុង Isleworth ភាគខាងលិច ទីក្រុង London កាលពីអំឡុងឆ្នាំ១៩៨០។ យ៉ាងណាក៏ដោយ គេមិនបានដឹងពីប្រវត្តិរបស់វាច្បាស់ឡើយ។
ទោះជាយ៉ាងណា ចិញ្ចៀនពេជ្រពណ៌សនោះ នឹងត្រូវគេដាក់លក់ដេញថ្លៃ នៅឯ Sotheby London's Fine Jewels នៅថ្ងៃទី០៧ ខែកក្កដា ឆ្នាំ២០១៧ ខាងមុខនេះ ក្នុងតម្លៃរហូតដល់ទៅ ៤៥៤ ០០០ដុល្លារឯណោះ៕