លោក​ ​Mark Fields​ ​ដែល​បច្ចុប្បន្ន​ជា​នាយក​ប្រតិបត្តិ​ក្រុមហ៊ុន​ ​Ford​ ​ត្រូវ​បាន​ដក​តំណែង​ ​ហើយ​ជំនួស​មក​វិញ​ដោយ​លោក​ ​Jim Hackett​ ​ដែល​ជា​ប្រធាន​ផ្នែក​ផលិត​បច្ចេកវិទ្យា​រថយន្ត​បើកបរ​ដោយ​ស្វ័យប្រវត្តិ​របស់​ ​Ford។

ការ​ដក​ ​និង​ជំនួស​តំណែង​នាយក​ប្រតិបត្តិ​នៃ​ក្រុមហ៊ុន​ផលិត​រថយន្ត​ដ៏​ធំ​របស់​អាមេរិក​នេះ​ ​គឺ​ធ្វើ​ឡើង​ដោយ​ការ​សម្រេច​ចិត្ត​ពី​ម្ចាស់​ភាគហ៊ុន​ ​ក៏​ដូច​ជា​ក្រុមប្រឹក្សាភិបាល​របស់​ ​Ford​ ​ក្រោយ​គេ​មើល​ឃើញ​ពី​ការ​ធ្លាក់​ចុះ​របស់​ក្រុមហ៊ុន​ក្រោម​ការ​គ្រប់គ្រង​របស់​លោក​ ​Mark Fields។

ចំនួន​លក់​ក្នុង​មួយ​ឆ្នាំ​ធ្លាក់​ចុះ​ ​២៥%​ ​មាន​ការ​កាត់​បន្ថយ​បុគ្គលិក​ប្រមាណ​ ​១ ៤០០​ ​នាក់​ ​និង​ភាគហ៊ុន​របស់​ ​Ford​ ​ក្នុង​ផ្សារហ៊ុន​អាមេរិក​ធ្លាក់​ចុះ​ដល់​ទៅ​ ​៤០%​ ​ដែល​ជា​កត្តា​ធ្វើ​ឲ្យ​មាន​ការ​សម្រេច​ដក​តំណែង​នាយក​ប្រតិបត្តិ​មុន៕

ប្រភព៖ nytimes   ប្រែ​សម្រួល៖ រដ្ឋ