តារាលំដាប់អន់របស់ចិនមួយរូបត្រូវគេរិះគន់ព្រោះសំលៀកបំពាក់រូបទង់ជាតិ

2017-05-22 23:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Dai Bao ដែលត្រូវបានគេចាត់ទុកថាជាតារាសម្ដែងកម្រិតអន់ (Class B) របស់ប្រទេសចិន ត្រូវបានគេរិះគន់និងទាមទារឲ្យសុំទោសទៅទស្សនិកជនជាសាធារណៈព្រោះបានស្លៀកសំលៀកបំពាក់ដែលមានរូបទង់ជាតិប្រទេសចិន ទៅចូលរួមកម្មវិធីមហោស្រពភាពយន្ត Cannes នៅប្រទេសបារាំង។

សំលៀកបំពាក់នេះបានធ្វើឲ្យសារព័ត៌មានក្នុងស្រុកមួយចំនួននិងប្រជាជនចិនជាច្រើនខឹងសម្បារ ដោយសារតែទង្វើនេះព្រោះបានជះឥទ្ធិពលដល់មុខមាត់ប្រទេសជាតិ។ មានមតិមួយបានលើកឡើងថា៖ "នាងស្លៀកសំលៀកបំពាក់យ៉ាងអន់ ហើយបង្ហាញទង់ជាតិ ពេលដែលនាងដើរទៅ កំណាត់សំពត់នោះនឹងប៉ះផ្ទាល់ដី។ ហេតុអ្វីបានជាងនាងយករូបទង់ជាតិប្រទេសចិនទៅដើរជាន់នៅប្រទេសបារាំង?”

ចំពោះបញ្ហានេះតារា Class B រូបនេះក៏បានឆ្លើយតបថា៖ "ខ្ញុំជាមនុស្សស្រលាញ់ប្រទេសជាតិ និងជាតារាសម្ដែងមួយរូប។ ការដើរក្នុងកម្រាលព្រំក្រហមរបស់កម្មវិធីមហោស្រពភាពយន្ត Cannes គឺជាក្ដីស្រមៃរបស់តារាជាច្រើនក្នុងវិស័យភាពយន្តនេះ រាប់បញ្ចូលទាំងខ្ញុំផងដែរ។ ខ្ញុំគ្រាន់តែចង់សម្រេចក្ដីស្រមៃរបស់ខ្ញុំតែប៉ុណ្ណោះ។ ខ្ញុំសង្ឃឹមថាអ្នកគ្រប់គ្នានឹងយល់ថា ខ្ញុំមិនមែនចង់ល្បីដោយសារតែបង្ហាញខ្លួននៅកម្មវិធី Cannes នេះទេ។"

នាងបានសង្កត់ធ្ងន់ថា៖ "ប្រសិនជាខ្ញុំបានធ្វើឲ្យមនុស្សភាគច្រើនមិនពេញចិត្តនឹងទង្វើរបស់ខ្ញុំ សូមលើកលែងទោសឲ្យខ្ញុំផង។ ខ្ញុំសូមផ្ញើសេចក្ដីសុំទោសជាអនេកពីបេះដូងខ្ញុំ ហើយខ្ញុំមិនដែលមានបំណងចង់ធ្វើឲ្យទង់ជាតិអាប់អោនកិត្តិយសនោះទេ។"

តារាសម្ដែង Dai Bao គឺជាតារាម្នាក់ដែលមិនមានគេស្គាល់ក្នុងប្រទេសចិន ព្រោះនាងធ្លាប់ចូលរួមសម្ដែងជាតួកំប៉ិកកំប៉ុកក្នុងរឿងកំប្លែងមួយចំនួនតែប៉ុណ្ណោះ។ ប៉ុន្តែប៉ុន្មានថ្ងៃក្រោយនេះ នាងគឺជាតារាម្នាក់ដែលត្រូវគេស្វែងរកព័ត៌មានច្រើនជាងគេនៅលើអ៊ីនធឺណិតនៅប្រទេសចិន៕

ចុចអាន ព័ត៌មានទាក់ទងតារាចិន

ចុចអាន ព័ត៌មានកម្សាន្តអន្តរជាតិ

ចុចអាន ផ្អែមកប់...Shape of You លាតត្រដាងក្នុងស្នេហាស្រីស្អាតថៃ!