ការប្រគំតន្រ្តីនៅទីក្រុង Manchester រងការបំផ្ទុះគ្រាប់បែកយ៉ាងកក្រើក ស្លាប់និងរបួសជាច្រើន

2017-05-23 01:39:03
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សចំនួន ១៩ នាក់ បានស្លាប់បាត់បង់ជីវិត និងប្រមាណជា ៥០ នាក់ ផ្សេងទៀតបានរងរបួស នៅក្នុងហេតុការណ៍បំផ្ទុះគ្រាប់បែកយ៉ាងកក្រើកមួយ នៅឯទីតាំងប្រគំតន្ត្រី Manchester Arena ស្ថិតក្នុងទីក្រុង Manchester ចក្រភពអង់គ្លេស កាលពីយប់ថ្ងៃច័ន្ទ ម្សិលមិញនេះ។

សាក្សីបានប្រាប់ឲ្យដឹងថា ពួកគេបានលឺសំឡេងផ្ទុះចំនួន២ បន្ទាប់ពីការប្រគំតន្ត្រីប៉ុបរបស់ តារាចម្រៀងស្រីអាមេរិកវ័យក្មេង Ariana Grande។

ទោះបីជាយ៉ាងណា មូលហេតុនៃការផ្ទុះនេះ មិនទាន់ត្រូវបានគេដឹងនៅឡើយទេ ប៉ុន្តែអង្គភាព North West Counter Terrorism Unit បានចាត់ទុកវាថា អាចជាឧប្បត្តិហេតុភេរវកម្ម។

ជាមួយគ្នានេះដែរស្ថានីយរថភ្លើង Manchester Victoria ដែលស្ថិតនៅជិតទីតាំងប្រគំតន្ត្រី បានបិទទ្វា និងលុបចោលជើងរថភ្លើងទាំងអស់តែម្ដង។ ប៉ូលិសបាននិយាយថា ការផ្ទុះនេះបានកើតឡើងនៅច្រកដើរជាប់នឹងទ្វារចូល នៃទីតាំងប្រគំតន្ត្រីខាងលើ។

គួរបញ្ជាក់ថា អ្នកទស្សនាការប្រគំតន្ត្រីនោះ ភាគច្រើនគឺជាមនុស្សវ័យក្មេង ដែលបានភ្លូកទឹកភ្លូកដីទៅទស្សនាការសម្ដែងដំបូងបង្អស់ ក្នុងចំណោមការសម្ដែងចំនួន៣ នៅចក្រភពអង់គ្លេស នៃដំណើរទស្សនកិច្ច «European and Latin American Tour» របស់តារាចម្រៀងស្រី Grande។

ទីតាំងប្រគំតន្ត្រី Manchester Arena ឬត្រូវបានគេហៅថា MEN Arena គឺជាទីតាំងដ៏ធំមួយនៅក្នុងទីក្រុង ដែលអាចផ្ទុកមនុស្សរហូតដល់ទៅ ១៨ ០០០ សម្រាប់ការប្រគំតន្ត្រីនានា។

បើយោងតាមសារព័ត៌មាន Telegraph របស់ចក្រភពអង់គ្លេស បានឲ្យដឹងថា តារាចម្រៀងស្រី Grande មិនមានរងគ្រោះថ្នាក់អ្វីឡើយ បើទោះបីជាមានអ្នកស្លាប់ និងរងរបួសយ៉ាងច្រើនក្ដី៕

ប្រភព៖ BBC | CNN | telegraph ប្រែសម្រួល៖ សេង ឡុង

ពាក្យទាក់ទង

អត្ថបទសំខាន់ ព័ត៌មានសង្គមអន្តរជាតិ

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

អត្ថបទថ្មី

ស្គាល់ ពស៊ាង តាមរយៈបទអ្វី? ១០បទនេះធានាថាស្ដាប់ហើយ គេងញញឹមតែម្នាក់ឯង ទោះអត់គូក៏ដោយ

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”