​​ត្បិត​ថា​ Galaxy S8 ប្រើ​បន្ទះឈីប​ថ្មី​បំផុត​ Snapdragon 835 ក៏​ពិត​មែន​ ប៉ុន្តែ​​នៅ​មិន​អាច​យក​ឈ្នះ​ iPhone 7 ​បាន​ពេល​ប្រៀប​ធៀប​​ល្បឿន​ដំណើរ​ការ។ ចុះ​បើ​យក​ Galaxy S8 ទៅ​ធៀប​ល្បឿន​​ជា​មួយ iPhone 6s ដែល​ចេញ​តាំង​ពី​ឆ្នាំ​ ២០១៥ លទ្ធផល​យ៉ាង​ណា​វិញ?

តាម​វីដេអូ​ដែល​ធ្វើ​ប្រៀប​ធៀប​ផ្ទាល់​ៗ​ពី​ល្បឿន​នៃ​ការ​បើក​កម្មវិធី​របស់​ iPhone 6s និង Galaxy S8 បង្ហាញ​ឲ្យ​ឃើញ​ថា​ ការ​ចាប់​ផ្ដើម​ដំបូង​ Galaxy S8 បាន​យក​ឈ្នះ​ iPhone 6s មួយ​ទំហឹង។ ប៉ុន្តែ​បន្ត​បន្ទាប់​មក​ iPhone 6s ព្យាយាម​ដេញ​តាម​រហូត​ដល់​អាច​យក​ឈ្នះ​ ដោយ​បញ្ចប់​ការ​បើក​កម្មវិធី​ទាំង​ ១៦ បាន​មុន​ Galaxy S8។

ដោយឡែក​ពេល​ដល់​ជុំ​ទីពីរ​នៃ​ការ​បើក​កម្មវិធី​ទាំង​ ១៦ ឡើង​វិញ​​​​ពី​ក្រោម​ឡើង​លើ​ iPhone 6s នៅ​តែ​អាច​យក​ឈ្នះ​លើ Galaxy S8 បាន​ ដោយ​ iPhone អាច​រក្សា​ទុក​កម្មវិធី​ឲ្យ​មាន​ដំណើរ​ការ​លើ​ Background បាន​ច្រើន​ជាង Galaxy S8៕

ប្រភព៖ YouTube   ប្រែ​សម្រួល៖ សុខហេង