អស់សំណើច! ក្មេងរាំស្ពាយកាតាបជាមួយ Katy Perry កំពុងល្បីខ្លាំង!

2017-05-23 03:24:46
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីចុងសប្ដាហ៍នេះតារាចម្រៀង Katy Perry បានសម្ដែងនៅក្នុងកម្មវិធី Saturday Night Live ដែលជាកម្មវិធីកំប្លែងមួយនៅលើប៉ុស្តិ៍ទូរទស្សន៍ NBC សហរដ្ឋអាមេរិក។ ក្មេងជំទង់ដែលជាអ្នករាំម្នាក់ បានធ្វើឲ្យគេចាប់អារម្មណ៍ខ្លាំងជាមួយក្បាច់រាំដ៏អស់សំណើចរបស់ខ្លួន គឺក្រវីដៃចុះឡើងជាមួយនឹងមុខស្ងួតព្រមទាំងជាប់ឈ្មោះថា "ក្មេងស្ពាយកាតាប" (Backpack Kid) ទៀតផង។

ក្មេងប្រុសនោះមានឈ្មោះថា Russell Horning មានអាយុ ១៥ឆ្នាំជាតារាល្បីម្នាក់នៅក្នុង Instagram។ Russell បានធ្វើឲ្យគេចាប់អារម្មណ៍ខ្លាំង ដោយសារតែក្បាច់រាំរបស់ខ្លួនមានឈ្មោះថា "The Russell” ដែលគេបានសម្ដែងក្បាច់រាំនេះ ដោយរាំបទ "Swish Swish” របស់ Katy Perry ដែលធ្វើឲ្យអ្នកលេងបណ្ដាញសង្គម Twitter ជាច្រើនចាប់ផ្ដើមចូលចិត្តក្មេងម្នាក់នេះ។

មិនត្រឹមប៉ុណ្ណោះសូម្បីតែតារាចម្រៀងល្បី Rihanna ក៏ជាអ្នកគាំទ្រក្មេងម្នាក់នេះដែរ ដោយធ្លាប់បង្ហោះ វីដេអូរបស់ Russell ម្ដងទៀតនៅ Instagram ទៀតផង។ តារាចម្រៀង Katy Perry ក៏ស្គាល់ក្មេងម្នាក់នេះតាម Instagram ផងដែរ ហើយក៏អញ្ជើញក្មេងម្នាក់នេះទៅសម្ដែងជាមួយខ្លួនសម្រាប់បទចម្រៀងថ្មី "Swish Swish” នេះតែម្ដង។ Russell បានប្រាប់ USA Today ថា៖ "នាងបានរកឃើញ Instagram របស់ខ្ញុំ ហើយឃើញខ្ញុំធ្វើអ្វីដែលខ្ញុំចូលចិត្តធ្វើ។ នាងចូលចិត្តខ្ញុំត្រង់ចំណុចនេះ ហើយក៏អញ្ជើញខ្ញុំទៅសម្ដែងជាមួយនាង"៕

បើចង់ដឹងថាក្បាច់រាំរបស់គេឡូយយ៉ាងណានោះទស្សនាវីដេអូខាងក្រោម៖

ចុចអាន ព័ត៌មានកម្សាន្តប្លែកៗ

ចុចអាន ព័ត៌មានទាក់ទងនឹងតារាចម្រៀង Katy Perry

តារាលំដាប់អន់របស់ចិនមួយរូបត្រូវគេរិះគន់ព្រោះ

ប្រភព៖ Dailymail ប្រែសម្រួល៖ ធារ៉ូ