ក្តៅៗ! កូរ៉េខាងត្បូងបាញ់ព្រមានកូរ៉េខាងជើង ៩០គ្រាប់ ក្រោយវត្ថុចម្លែកហោះឆ្លងកាត់ព្រំដែន
- 2017-05-23 09:44:24
- ចំនួនមតិ 0 | ចំនួនចែករំលែក 0
ក្តៅៗ! កូរ៉េខាងត្បូងបាញ់ព្រមានកូរ៉េខាងជើង ៩០គ្រាប់ ក្រោយវត្ថុចម្លែកហោះឆ្លងកាត់ព្រំដែន
ចន្លោះមិនឃើញ
ទាហានកូរ៉េខាងត្បូង បានបាញ់ព្រមានទៅលើវត្ថុចម្លែកមិនស្គាល់អត្តសញ្ញាណមួយ ដែលបានហោះចេញពីប្រទេសកូរ៉េខាងជើង ឆ្លងកាត់ព្រំដែនប្រទេសទាំងពីរ នៅរសៀលថ្ងៃអង្គារ ទី ២៣ នេះ។ នេះបើយោងតាមការប្រកាសរបស់យោធាកូរ៉េខាងត្បូង។
បើយោងតាម អគ្គសេនាធិការចម្រុះរបស់កូរ៉េខាងត្បូង បានឲ្យដឹងថា ទាហានរបស់ខ្លួនបានប្រទះឃើញវត្ថុចម្លែក ហោះឆ្លងកាត់ខ្សែបន្ទាត់យោធា Military Demarcation Line (MDL) ឆ្ពោះទៅទិសខាងត្បូង ក្នុងតំបន់ Chorwon នៅភាគខាងកើត នៃខេត្ត Gangwon នាវេលាម៉ោង ៤ រសៀលនេះ។
ជាមួយគ្នានេះដែរ ទាហានកូរ៉េខាងជើង បានបើកការបាញ់ រួមជាមួយ ការផ្សាយព្រមានដល់ កូរ៉េខាងជើង ផងដែរ។ យ៉ាងណាមិញ ទាហានកូរ៉េខាងត្បូង កំពុងធ្វើការវិភាគថាវត្ថុចម្លែកនោះគឺជាអ្វី និងបានបង្កើនឥរិយាបថការពារដែនអាកាសរបស់ខ្លួន។
បើយោងតាមទីភ្នាក់ងារព័ត៌មាន Yonhap News Agency របស់កូរ៉េខាងត្បូង បានឲ្យដឹងថា ទាហានរបស់ខ្លួនបានបើកការបាញ់ព្រមាន ដោយកាំភ្លើងស្វ័យប្រវត្តិ រហូតដល់ទៅ ៩០ គ្រាប់ឯណោះ៕