រំភើបណាស់! Rain និង Kim Tae Hee ចេញព័ត៌មានមង្គលទៀតហើយ

2017-05-24 02:23:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាព័ត៌មានដ៏រីករាយ ដែលគូស្នេហ៍កំពូលតារាកូរ៉េដ៏ល្បីដែលទើបរៀបការថ្មីថ្មោង Rain និង Kim Tae Hee ត្រៀមនឹងទទួលបានបុត្រហើយ។

ម្សិលមិញវិបសាយល្បីៗក្នុងប្រទេសកូរ៉េខាងត្បូងដូចជា Allkpop, Koreaboo, Soompi និងវិបសាយព័ត៌មានជាច្រើនទៀត បានចុះផ្សាយដូចគ្នាពីព័ត៌មានរបស់តារាសម្ដែងស្រី Kim Tae Hee និង Rain ត្រៀមខ្លួនក្លាយជាឪពុកម្ដាយគេហើយ។

ទាក់ទងនឹងព័ត៌មាននេះ ខាងផលិតកម្មរបស់តារាស្រីរូបនេះ ក៏បានបកស្រាយដែរថា៖ "Kim Tae Hee មានទម្ងន់ ១៥សប្ដាហ៍ហើយ ដូច្នេះនាងត្រូវមានការប្រុងប្រយ័ត្នគ្រប់ពេលវេលា។ មួយវិញទៀត នាងចង់ជម្រាបដំណឹងដ៏រីករាយនេះដល់អ្នកគាំទ្ររបស់ខ្លួន និងស្វាមីបានដឹង និងអរគុណអ្នកគ្រប់គ្នាដែលបានអបអរដល់ពួកគេ។"

ខាងតំណាងផលិតកម្មដដែលក៏បានបន្ថែមទៀតថា៖ "តារាស្រីរូបនេះនឹងត្រូវ យកចិត្តទុកដាក់នឹងការថែទាំខ្លួន អំឡុងពេលមានគភ៌ និងត្រៀមខ្លួនធ្វើជាម្ដាយគេ។ យ៉ាងណាមិញយើងក៏សូមអរគុណ ដល់អ្នកគ្រប់គ្នាដែលផ្ដល់នូវការគាំទ្រយ៉ាងកក់ក្ដៅនេះ”។

គួររំលឹកផងដែរ គូស្នេហ៍កំពូលតារាជួរមុខកូរ៉េ ១គូនេះ បានរៀបអាពាហ៍ពិពាហ៍កាលពីថ្ងៃទី ១៩ ខែ មករា ដើមឆ្នាំ ២០១៧ ជាមួយការសាទរយ៉ាងច្រើនពីសំណាក់អ្នកគាំទ្រ មិត្តភ័ក្ដិ និងគ្រួសាររបស់ពួកគេ ហើយបានសាងសុភមង្គលយ៉ាងមានក្ដីសុខជាមួយគ្នាចាប់ពីពេលនោះមក៕

*តារាកូរ៉េផ្សេងទៀត!

*ជុំវិញតារាអន្តរជាតិ

*ទីបំផុត Rain និងប្រពន្ធរកផ្ទះថ្មីបានហើយ

ប្រភព៖ Allkpop | Soompi | Koreaboo ប្រែសម្រួល៖ យី សុធារី