មូលហេតុកើតមានរន្ទះបាញ់ និងរបៀបការពារ

2017-05-24 02:50:42
ចំនួនមតិ 0 | ចំនួនចែករំលែក 0

ចន្លោះមិនឃើញ

បាតុភូតធម្មជាតិ គឺជារឿងដែលមនុស្សគ្រប់គ្នារមែងចង់ដឹង ចង់ឮ ព្រោះពេលខ្លះវាអាចបង្កជាគ្រោះថ្នាក់យ៉ាងធ្ងន់ធ្ងរដល់ផែនដីជាពិសេសករណីរញ្ជួយដី ខ្យល់ព្យុះ និងរន្ទះបាញ់ ដែលគេតែងជួបច្រើនបំផុត។

ជាទូទៅក្នុងពពកគឺមានផ្ទុកបន្ទុកអគ្គិសនីវិជ្ជមាន និងអវិជ្ជមាន ហើយអ៊ីយ៉ុងទាំង ២ នេះត្រូវញែកដាច់ពីគ្នាដោយសារចរន្តខ្យល់ ព្រោះប្រសិនពួកវាប៉ះគ្នាគឺនឹងបង្កើតជាកម្លាំងផ្ទុះនៃអគ្គិសនី។

អ៊ីយ៉ុងអវិជ្ជមានដែលមានក្នុងពពកនឹងធ្លាក់មកផែនដីតាមដំណក់ទឹកភ្លៀង ហើយបន្ទុកអគ្គិសនីវិជ្ជមានដែលចេញពីផ្ទៃដី ឬអាគារនានានឹងបង្ហើរទៅប៉ះអ៊ីយ៉ុងអវិជ្ជមាន នោះវានឹងបង្កើតជាបាតុភូតរន្ទះ ដែលអ្នកគ្រប់គ្នាតែងគិតថារន្ទះបាញ់ចេញពីពពក តែផ្ទុយទៅវិញគឺឡើងពីក្រោមនោះទេ។ ដូចនេះហើយទើបពេលខ្លះគេឃើញមានរន្ទះបាញ់តែកន្លែងដែលធ្លាប់បាញ់ ព្រោះទីនោះជាតំបន់បំភាយបន្ទុកអគ្គិសនីវិជ្ជមានខ្លាំង។

ដោយឡែកសម្រាប់វិធីការពារបញ្ចៀសមិនឲ្យរន្ទះបាញ់គឺគេអាចប្រើប្រាស់ជាមួយឧបករណ៍បច្ចេកវិទ្យាទំនើបមួយចំនួន តែវិធីងាយ និងចំណាយតិចប្រសិនសម្រាប់ផ្ទះធម្មតាគឺអាចធ្វើការដាំបង្គោលដែកក្នុងដីជម្រៅសមាមាត្រណាមួយ ហើយភ្ជាប់ទៅដែកមួយទៀតលើដំបូលដើម្បីឲ្យម៉ាសពីក្នុងដីជួយបញ្ចៀសការសាយភាយបន្ទុកអគ្គិសនី។

បច្ចុប្បន្នព្រោះបច្ចេកវិទ្យាកាន់តែទំនើប បង្គោលអង់តែននៃក្រុមហ៊ុនផ្គត់ផ្គង់សេវាទូរគមនាគមន៍តែងបំពាក់ឧបករណ៍បញ្ចៀសរន្ទះ ដែលនេះជាមូលហេតុដែលករណីរន្ទះបាញ់តែងកើតមានតាមតំបន់វាលដែលមានដីក្ដៅ៕