F1៖ Vettel ឈ្នះនៅទីលាន Monaco ខណៈ Hamilton ចប់ក្នុងចំណាត់ថ្នាក់ហៅលែងឮ
- 2017-05-29 03:39:15
- ចំនួនមតិ 0 | ចំនួនចែករំលែក 0
F1៖ Vettel ឈ្នះនៅទីលាន Monaco ខណៈ Hamilton ចប់ក្នុងចំណាត់ថ្នាក់ហៅលែងឮ
ចន្លោះមិនឃើញ
Sebastian Vettel បានដល់ទីមុនគេក្នុងការប្រណាំងរថយន្ត Formula One នៅទីលានទី៦ Monaco Grand Prix កាលពីថ្ងៃម្សិលមិញ។
អ្នកប្រណាំងរថយន្តសញ្ជាតិអាល្លឺម៉ង់បានប្រើថេរវេលា ១ម៉ោង ៤៤នាទី និង ៤៤,៣៤០វិនាទី យកឈ្នះគូប្រជែង Kimi Räikkönen មកពីក្រុម Ferrari ដូចគ្នាដែលមកដល់ទីលេខ២ ហើយលេខ៣បានទៅលើ Daniel Ricciardo មកពីក្រុម RED BULL RACING TAG HEUER។
រាប់ទាំងទីលាននៅ Monaco ផងកីឡាករ Vettel បានឈ្នះ៣ទីលានហើយក្នុងនោះមានដូចជានៅ Australian Grand Prix, Bahrain Grand Prix និង Monaco Grand Prix នេះតែម្ដង។ ដោយឡែកជើងខ្លាំងអង់គ្លេស Lewis Hamilton ធ្វើមិនបានល្អនោះទេពោលគឺបញ្ចប់ក្នុងចំណាត់ថ្នាក់លេខ៧ឯណោះ។
ក្រោយការប្រណាំង៦ទីលានបានបញ្ចប់ ក្នុងតារាង World Champion នៅពេលនេះលេខមួយគឺ Sebastian Vettel មកពីក្រុម Scuderia Ferrari មាន ១២៩ពិន្ទុ។ លេខពីរគឺ Lewis Hamilton មកពីក្រុម Mercedes AMG Petronas មាន ១០៤ពិន្ទុហើយ លេខបីគឺ Valtteri Bottas មកពី Mercedes AMG Petronas ដូចគ្នាមាន ៧៥ពិន្ទុ។
ប្រកួតបន្ទាប់នឹងត្រូវធ្វើនៅទីលាន Canadian Grand Prix ប្រទេសកាណាដា ថ្ងៃទី ១១ ខែមិថុនា៕ តារាងលទ្ធផលការប្រណាំងនៅ Monaco Grand Prix ៖
ចុចអាន៖
មកស្គាល់ទីលានប្រណាំងទាំង២០ សម្រាប់ការប្រកួត Formula One ២០១៧
Hamilton យល់ថា Ferrari ជាក្រុមអាចឈ្នះពានពិភពលោករដូវកាលនេះ
Hamilton បញ្ចប់នៅចំណាត់ថ្នាក់ទី១ ថ្ងៃធ្វើតេស្តប្រណាំង Formula 1
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
