ព័ត៌មានក្តៅ ម្ចាស់ស្មាតហ្វូន Android ប្រយ័ត្នខ្លួន មេរោគថ្មីមកទៀតហើយ

2017-05-30 02:29:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកជំនាញស្រាវជ្រាវសុវត្ថិភាពបច្ចេកវិទ្យា Check Point បានប្រកាសថាមេរោគប្រភេទ Malware ថ្មីមួយឈ្មោះ Judy កុំធ្វើការវាយលុកលើឧបករណ៍ឌីជីថលប្រមាណ ៣៦,៥ លានគ្រឿងដែលប្រើប្រាស់ប្រព័ន្ធប្រតិបត្តិការ Android។

កម្មវិធីដែលមានបង្កប់ Malware នោះ

Judy មានបង្កប់ខ្លួនក្នុងពាណិជ្ជកម្មនៃ App ចំនួន ៤១ ដែលផលិតដោយអ្នកសរសេរកម្មវិធីសញ្ជាតិកូរ៉េ (ខាងត្បូង) ម្នាក់ ខណៈ App ទាំងនោះមានអ្នកទាញយកជុំវិញពិភពលោក ចន្លោះពី ៤,៥ លាន ដល់ ១៨,៥ លានដង។

ចំពោះអ្នកផលិត Judy ត្រូវគេរកឃើញថាជាស្នាដៃរបស់ក្រុមហ៊ុន Kiniwini មានប្រភពពីប្រទេសកូរ៉េខាងត្បូង ដែលពួកគេបានបន្លំប្រើឈ្មោះ ENISTUDIO corp. ដើម្បីចុះបញ្ជី App នានារបស់ពួកគេនៅក្នុងផ្សារកម្មវិធីរបស់ Android គឺ Google Play។

Check Point មិនបានបញ្ជាក់ពីរបៀបវាយប្រហាររបស់ Judy នោះទេ តែបង្ហាញថា App របស់អ្នកសរសេរកម្មវិធី និងរបស់ ENISTUDIO corp. ត្រូវ Google លុបចោលទាំងអស់ ហើយឈ្មោះនៃអ្នកទាំងនោះអាចនឹងជាប់ក្នុងបញ្ជីខ្មៅរបស់ក្រុមហ៊ុនមេ Android នេះផងដែរ៕

ចុចអានបន្ត៖

ប្រភព៖ PhoneArena ប្រែសម្រួល៖ រដ្ឋ