យុវជនខេត្តបាត់ដំបងបញ្ចេញសិល្បៈបង្វិលប៊ិច (Pen Spinning) មិនចាញ់បរទេស
- 2017-05-30 02:33:49
- ចំនួនមតិ 0 | ចំនួនចែករំលែក 0
យុវជនខេត្តបាត់ដំបងបញ្ចេញសិល្បៈបង្វិលប៊ិច (Pen Spinning) មិនចាញ់បរទេស
ចន្លោះមិនឃើញ
សិល្បៈបង្វិលប៊ិច (Pen Spinning) ជាប្រភេទសិល្បៈម្យ៉ាង ដែលគេយកប៊ិចមកបង្វិលលេងដោយប្រើប្រាស់ដៃម្ខាង។ វាមានដើមកំណើតមកពីប្រទេសជប៉ុន ក្នុងអំឡុងឆ្នាំ ១៩៧០។
ជាទូទៅយើងធ្លាប់តែបានឃើញវីដេអូជនជាតិបរទេសជាច្រើន បង្ហាញពីការលេងសិល្បៈមួយនោះ ដោយឡែកយុវជននៅឯខេត្តបាត់ដំបង ផាត់ ច័ន្ទហាក់ ក៏មានសមត្ថភាពអាចលេងវាបានយ៉ាងស្ទាត់ជំនាញមិនចាញ់បរទេសឡើយ។
យុវជនវ័យ ១៩ ឆ្នាំរូបនេះបានប្រាប់ Sabay ថា៖ "ដំបូងឡើយគេបានឃើញវីដេអូបង្វិលប៊ិច ចេញពីប្រភពប្រព័ន្ធផ្សព្វផ្សាយបរទេស ក្រោយមកក៏មានគំនិតគិតថាប្រទេសយើងហាក់បីពុំទាន់មានអ្នកចេះលេងវាច្រើននោះទេ ម្ល៉ោះហើយក៏ចាប់ផ្ដើមដាក់ចិត្តខិតខំរៀនលេង ដើម្បីសាយភាយឲ្យយុវជនយើងបានស្គាល់ច្រើនអំពីវា រហូតអស់រយៈពេលជាង ៣ ឆ្នាំ ទើបខ្លួនអាចលេងវាបានយ៉ាងស្ទាត់ជំនាញ" ។
ច័ន្ទហាក់បន្តថា៖ "ការចាប់ផ្ដើមដំបូងមានត្រឹមតែគេម្នាក់ឯងប៉ុណ្ណោះ ក្រោយមកបង្កើតបានក្លាយជាក្រុមមួយ ដែលមានគ្នាពីរបីនាក់ ហើយរាល់ប៊ិចដែលពួកគេលេង សុទ្ធសឹងតែទិញមកពីក្រៅស្រុក ដោយតម្លៃមានថ្លៃថោកទៅតាមប្រភេទប៊ិច ខណៈប៊ិចថ្លៃបំផុតដែលគេធ្លាប់ទិញខ្ទង់ ៣០ ដុល្លារដែរ" ។
សូមទស្សនាវីដេអូទាំងអស់គ្នា៖