អស្ចារ្យមែន! ខេត្តមួយនៅកាណាដា ចង់ឲ្យពលរដ្ឋជៀសផុតពីភាពក្រីក្រ ដោយប្រើវិធីនេះ
- 2017-05-31 07:29:13
- ចំនួនមតិ 0 | ចំនួនចែករំលែក 0
អស្ចារ្យមែន! ខេត្តមួយនៅកាណាដា ចង់ឲ្យពលរដ្ឋជៀសផុតពីភាពក្រីក្រ ដោយប្រើវិធីនេះ
ចន្លោះមិនឃើញ
អង្គការ Unicef៖ ក្មេងម្នាក់ក្នុងចំណោម ៥ នាក់ រស់នៅក្នុងប្រទេសកាណាដា ស្ថិតក្នុងភាពក្រីក្រ
ខេត្តមួយនៅក្នុងប្រទេសកាណាដា កំពុងសាកល្បងគម្រោងដ៏អស្ចារ្យមួយ ក្នុងគោលបំណងដើម្បីឲ្យប្រជាពលរដ្ឋគ្រប់ៗរូប ទទួលបានប្រាក់ចំណូលជាមូលដ្ឋាន គឺ ១ ៣២០ ដុល្លារក្នុងមួយខែ។
រដ្ឋាភិបាលខេត្ត Ontario បានបញ្ជាក់ថា ពួកគេកំពុងពិគ្រោះយោបល់ជាសាធារណៈ ទៅលើគម្រោងទឹកប្រាក់សរុប ចំនួន ២៥ លានដុល្លារ ក្នុងរយៈពេល ២ ខែខាងមុខ ដែលជាការបង់ប្រាក់ជំនួយសង្គម សម្រាប់ប្រជាជនអាយុចន្លោះពី ១៨ ទៅ ៦៥ ឆ្នាំ។ ជាមួយគ្នានេះដែរ ជនពិការនឹងទទួលបានប្រាក់ ៥០០ ដុល្លារបន្ថែម ស្របពេលដែលបុគ្គលមានប្រាក់ចំណូលតិចជាង ២២ ០០០ ដុល្លារក្នុងមួយឆ្នាំ (បន្ទាប់ពីបង់ពន្ធរួច) នឹងទទួលបានប្រាក់បន្ថែមផងដែរ ដើម្បីឲ្យឡើងដល់កម្រិត។
គម្រោងសាកល្បងនេះត្រូវបានដាក់ស្នើដោយ អតីតសមាជិកព្រឹទ្ធសភាកាណាដា លោក Hugh Segal ដោយស្នើឲ្យធ្វើការសាកល្បង ទៅលើស្រុកចំនួន ៣ ខុសគ្នា នៅក្នុងភាគខាងជើង ត្បូង និង សហគមន៍ជនជាតិដើមភាគតិច នៃខេត្ត Ontario។ មិនតែប៉ុណ្ណោះ លោក Segal បានផ្ដល់អនុសាសន៍ថា តំបន់ដែលមានកម្រិតភាពក្រីក្រខ្ពស់ និង អាហារគ្មានសុវត្ថិភាព គួរតែត្រូវបានជ្រើសរើសសម្រាប់ការសាកល្បងគម្រោងមួយនេះ។
គួររំលឹកឲ្យដឹងផងដែរថា គម្រោងស្រដៀងគ្នានេះ ធ្លាប់ត្រូវបានគេធ្វើការសាកល្បង នៅក្នុងទីក្រុង Dauphin ខេត្ត Manitoba ប្រទេសកាណាដា នៅចន្លោះឆ្នាំ ១៩៧៤ និង ១៩៧៩ ដោយគ្រួសារដែលស្ថិតនៅក្រោមខ្សែបន្ទាត់ភាពក្រីក្រ ទទួលបានប្រាក់រហូតដល់ទៅជាង ៣ ០០០ ដុល្លារ ក្នុងមួយខែ។ នៅពេលនោះ ប្រជាពលរដ្ឋជាង ១ ០០០ នាក់ បានទទួលផលប្រយោជន៍ពីគម្រោងនោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
