ម៉ូតូផលិតឆ្នាំ ២០១៦ នាំចូល ឡើងស៊េរីឆ្នាំ២០១៧ ខុសប្រក្រតីមែនទេ?

2017-05-31 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មានការលើកឡើងជាយូរឆ្នាំមកហើយពីស៊េរីម៉ូតូមួយចំនួនដែលត្រូវបានគេនាំចូលដោយអ្នកប្រើប្រាស់មានការងឿងឆ្ងល់និងចោទប្រកាន់ថាមានការឡើងស៊េរីឆ្នាំខុសធម្មតា។ ដូចករណីម៉ូតូដែលផលិតឆ្នាំ ២០១៦ ត្រូវបាននាំចូលនិងឡើងស៊េរីឆ្នាំ២០១៧។

លោក ផេង ដារ៉ា អ្នកគ្រប់គ្រងទូទៅរបស់ក្រុមហ៊ុន Nengshun & Ranqun Motor ដែលនាំចូល Benelli Keeway ឆ្លើយតបបញ្ហានេះ ដោយអះអាងថា ជាធម្មតារោងចក្រផលិតតម្រូវតាមទីផ្សារនិងការបញ្ជាទិញរបស់ក្រុមហ៊ុននាំចូល។

ដូចករណីម៉ូតូផលិតឆ្នាំ ២០១៦ ដែលហាងនាំចូលប្រកាសឡើងស៊េរីឆ្នាំ ២០១៧ មិនមែនជារឿងខុសប្រក្រតីនោះទេ ដោយសារលក្ខណ្ឌរោងចក្រផលិតតម្រូវទីផ្សារឆ្នាំថ្មី ទោះបីវាផលិតនៅឆ្នាំចាស់ក៏ដោយ។

លោកបញ្ជាក់ថា អតិថិជនអាចដឹងថាម៉ូតូនេះផលិតតម្រូវការឆ្នាំចាស់ឬថ្មីអាចមើលលើលេខតួម៉ាស៊ីនដែលមានបញ្ជាក់មកស្រាប់ជាមួយតួម៉ូតូ។