Case ថ្មី បង្ហាញប្រាប់ iPhone 8 ដកស្លាក Logo Apple ចោល ជំនួសដោយរបស់ផ្សេងវិញ

2017-06-01 05:01:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រោមការពារ (Case) ដែលលេចចេញពីក្រុមហ៊ុនផលិតមិនជាក់លាក់មួយ បានបង្ហោះដាក់ទន្ទឹមគ្នាក្បែរ iPhone 7/7 Plus ។ យោងតាមគេហទំព័រ Techtastic បានចុះផ្សាយ iPhone 8 ទំនងជាដកស្លាក Logo Apple ចោលពីខ្នងក្រោយ ដោយទីតាំងនោះជំនួសនូវទ្រនាប់ស្កេនក្រយៅដៃ Touch ID វិញ។

តាមការមើលឃើញរង្វង់ស្កេន ហាក់បីជាមានទំហំតូចបន្តិច និងទីតាំងស្ថិតនៅក្រោមពេក ចំណែកឯទីតាំងកាមេរ៉ាភ្លោះបញ្ឈរ វាមានការផ្លាស់ប្ដូរទាំងគ្រាប់ Flash និងប្រព័ន្ធ Microphone បានដាក់អមគ្នាធ្វើឱ្យមើលទៅមានរាងវែងធ្លាក់មកក្រោម។ យ៉ាងណាមិញយើងក៏មិនហ៊ានប្រាកដក្នុងចិត្តថា Apple នឹងដកស្លាក Logo ចោល ឫប្ដូរទៅទីតាំងទៅណាវិញនោះទេ ប៉ុន្តែបើការលេចចេញដូចគំរូខាងលើ ដោយមិនបង្ហាញចេញ Logo Apple ដែលជាប្រេនល្បីឈ្មោះ វាមើលទៅដូចជាមិនចាប់អារម្មណ៍ថា iPhone សោះ ព្រោះរចនាបថសឹងប្រែក្លាយជាស្មាតហ្វូន Android វិញទៅហើយ។

កត់បញ្ជាក់ Apple នឹងប្រកាសបង្ហាញ iPhone 8 នាខែកញ្ញាខាងមុខ ដោយលក្ខណៈសម្បត្តិពិសេសៗរំពឹងទុករួមមាន ប៊ូតុង Home បង្កប់លើអេក្រង់, មុខងារសាកថ្មឥតខ្សែនិងរហ័ស, ការស្កេនផ្ទៃមុខបែប 3D ។

បន្តចុចអាន៖

ប្រភព៖ AppleInsider ប្រែសម្រួល៖ កៅ រក្សា