សេដ្ឋីរុស្សីនេះហើយ អ្នកទិញ Rolls-Royce ថ្លៃ ១៣ លានដុល្លារនោះ

2017-06-01 23:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សប្ដាហ៍មុនក្រុមហ៊ុន Rolls-Royce បានបង្ហាញចេញរថយន្តកំពូលប្រណិតម៉ូដែល Sweptail ដែលបានទាក់ចិត្តសេដ្ឋីៗជាច្រើន។ ប៉ុន្តែអ្វីគួរឲ្យភ្ញាក់ផ្អើលនោះគឺគ្រាន់តែរថយន្តតម្លៃ ១៣ លានដុល្លារនេះចេញភ្លាម មានអ្នកទិញយកភ្លែត។

គេជឿជាក់ថាអ្នកដែលបានទិញយក Rolls-Royce Sweptail នេះគឺជាមហាសេដ្ឋីរុស្សីឈ្មោះ Roman Abramovich ដែលជាអ្នកងប់ងុលនឹងរថយន្តកំពូលៗខ្លាំង។ ១៣ លានដុល្លារអាចនិយាយថាតិចតួចណាស់សម្រាប់មហាសេដ្ឋីវ័យ ៥០ ឆ្នាំរូបនេះ ដោយគិតត្រឹមឆ្នាំ ២០១៦ គាត់មានទ្រព្យសម្បត្តិដល់ទៅ ៧,៦ ពាន់លានដុល្លារ ជាប់ជាបុគ្គលមានជាងគេលំដាប់ទី ១៣ នៅរុស្សី និង មានជាងគេលំដាប់លេខ ១៥១ ក្នុងលោក។ មហាសេដ្ឋីរូបនេះក៏ត្រូវបានគេស្គាល់ច្បាស់ថាជាម្ចាស់នៃក្លឹបបាល់ទាត់អង់គ្លេស Chelsea ផងដែរ។

និយាយពីរថយន្តវិញមានការរចនាលំនាំតាមម៉ូដែល Phanthom បំពាក់ដោយអំពូល LED លាយចង្កៀងក្រោយដ៏ពិសេស និងមានទ្វាពីរដែលយកលំនាំតាមម៉ូដែល Wraith។ មិនតែប៉ុណ្ណោះក៏មាន ទេវរូប Ecstasy ផលិតពីគ្រីស្តាល់ពណ៌ស ថ្លាស្អាត។ រថយន្តដំណើរការដោយម៉ាស៊ីន Phantom VII ស៊ីឡាំង ១២ ទំហំ ៦,៧៥ លីត្រ និង មានផលិតតែមួយគ្រឿងគត់ក្នុងលោក៕