មហាកំផែងទាំង៣ របស់ Juventus ត្រៀមការពារទ័ពជួរមុខ BBC របស់ Real

2017-06-02 02:59:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីមានអ្នកចាំទីដៃស្អិត Gianluigi Buffon ហើយ ក្រុម Juventus នៅមានកំពែងការពារ៣នាក់ទៀតដែលសុទ្ធតែរឹងម៉ាំ និងបទពិសោធពេញខ្លួន ដើម្បីត្រៀមការពារខ្សែប្រយុទ្ធ BBC របស់ Real Madrid ។

មុនជំនួប Champions League មកដល់ ក្រុម Real Madrid បានបញ្ជាក់ថាទ័ពស្ម័គ្រស្លាប់របស់ពួកគេ BBC (Benzema , Bale , Cristain) អាចចូលលេងបានទាំង៣នាក់វិញហើយ ក្រោយពីពួកគេខកខានលេងជាមួយគ្នាមួយរយៈមកនេះ។ ឆ្លើយតបទៅនឹងការត្រៀមជើងព្រួលនេះ ក្រុម Juventus ក៏បានត្រៀមជាស្រេចដើម្បីទប់ទល់នឹងការវាយសម្រុកគ្រប់ពេលវេលារបស់ក្រុមជើងឯកមកពីអេស្ប៉ាញនេះផងដែរ។

កំផែងទាំង៣របស់ Juventus រួមមាន Leonardo Bonucci , Giorgio Chiellini និង Andrea Barzagli។ កីឡាករទាំង៣នាក់នេះ បើនិយាយពីការលេងវិញសុទ្ធតែជោកជាំអស់ហើយ។ ដោយបូកទាំងអ្នកចាំទី Buffon ម្នាក់ទៀត ពួកគេធ្លាប់ចូលលេងបាន១ ៩២២ប្រកួតហើយមានពានក្នុងដៃដល់៥៣ពានហើយសម្រាប់ក្រុម Juventus។ ខណៈដែលស្ថិតិនេះអាចបញ្ជាក់បានថាក្រុម Old Lady ត្រៀមប្រព័ន្ធការពារបានគ្រប់គ្រាន់ ស្របពេលប្រយុទ្ធវិញក៏មិនអន់ដែរ ក្រោយពីពួកគេបានទិញយកកីឡាករល្អៗបន្ថែមមួយរយៈចុងក្រោយ៕

ព័ត៌មានកីឡាអន្តរជាតិ

Juventus

ប្រភព៖ Marca ប្រែសម្រួល៖ មុន្នីរម្យ