Chompoo ភ័យព្រួយអ្វីខ្លះពេលចូលរួមព្រឹត្តិការណ៍ Cannes Film Festival?

2017-06-02 03:11:31
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាស្រី Chompoo Araya បានបង្ហើបពីអារម្មណ៍របស់ខ្លួនលើកដំបូង ពេលចូលរួមព្រឹត្តិការណ៍ Cannes Film Festival ឆ្នាំ ២០១៧ នៅប្រទេសបារាំង កាលពីពេលថ្មីៗនេះ។

តារាស្រីរូបនេះបាននិយាយថា អ្វីៗគ្រប់យ៉ាងដំណើរការយ៉ាងរលូន ហើយនាងបានទទួលបទពិសោធន៍ល្អៗជាច្រើន។ ប៉ុន្តែអ្វីដែលធ្វើនាងមានការព្រួយបារម្ភនោះគឺ កូនក្នុងផ្ទៃ។ Chompoo បន្ថែមថា បើទោះជាពេលខ្លះមានបញ្ហាដែលត្រូវដោះស្រាយ តែនាងមិនអាចមានអារម្មណ៍ស្ត្រេសខ្លាំងទេ ព្រោះខ្លាចប៉ះពាល់ទារកក្នុងផ្ទៃ។ ចំណែកឯស្វាមីរបស់នាង លោក Nott Visrut ក៏រំភើប និងពេញចិត្តចំពោះការរៀបចំស្វាគមន៍ពួកគេទាំង២ យ៉ាងល្អដែរ។

បើនិយាយពីជិវិតប្ដីប្រពន្ធគូនេះវិញ ចាត់ទុកថាជាសំណាងរបស់ តារាស្រីរូបនេះ ដោយសារមានស្វាមីដ៏ល្អ ចេះយល់ចិត្ត ដឹងទុក្ខធុរៈ និងតែងមើលថែនាងគ្រប់ពេល។

មកទល់ពេលបច្ចុប្បន្ននេះ អ្នកម្ដាយកូនភ្លោះរូបនេះ ពពោះជាង ៥ខែហើយ រីឯឈ្មោះកូនវិញ នាងនិងស្វាមីក៏បានរកដាក់ហើយដែរ និងកំពុងត្រៀមខ្លួនស្វាគមន៍សមាជិកគ្រួសារថ្មី ក្នុងខែកញ្ញាខាងមុខនេះហើយ៕