ពិតជារំភើប! Ariana Grande ទៅ Suprise អ្នករងគ្រោះដល់មន្ទីរពេទ្យ

2017-06-03 07:55:13
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Ariana Grande បានធ្វើឲ្យអ្នកគាំទ្ររបស់នាងដែលបានគេងសម្រាកនៅមន្ទីរពេទ្យមានភាពភ្ញាក់ផ្អើល ដោយបានទៅលេងដល់កន្លែងក្រោយពីពួកគេមានរបួសដោយសារហេតុការណ៍អាក្រក់កាលពីយប់ថ្ងៃទី ២២។

កាលពីយប់ថ្ងៃសុក្រម្សិលមិញនេះ តារាចម្រៀងរូបនេះបានទៅជួបជនរងគ្រោះម្នាក់គឺកុមារី Jaden អាយុ១៤ឆ្នាំដែលរងគ្រោះដោយសារកម្ទេចគ្រាប់បែកប៉ះពាល់ជើងរបស់នាងដែលបណ្ដាលឲ្យមានរបួសធ្ងន់។ បន្ទាប់មក Ariana ក៏បានទៅជួបក្មេងស្រីម្នាក់ទៀតដែលមានឈ្មោះថា Lily Harrison នៅមន្ទីរពេទ្យកុមារ Royal Manchester។

នាងបានទិញកាដូនិងមានរបស់របរដែលមានហត្ថលេខារបស់នាងជាអំណោយដល់អ្នកដែលស្នាក់នៅមន្ទីរពេទ្យទៀតផង។

កុមារី Jaden ដែលជាជនរងគ្រោះម្នាក់ក្នុងចំណោម១១៩នាក់នោះ បានសរសេរនៅលើ Twitter ថា៖ "ខ្ញុំបានជួបម្ចាស់ក្សត្រីរបស់ខ្ញុំថ្ងៃនេះ ស្រលាញ់អ្នក Ariana Grande”។

ម្តាយរបស់ក្មេងស្រីម្នាក់នេះបានប្រាប់ សារពត៌មាន Manchester Evening News ថា៖ "Jaden កំពុងតែអង្គុយនោះទីនោះនិងមើលទូរទស្សន៍ បន្ទាប់មក Ariana ក៏ដើរចូល។ នាងពិតជា ភ្ញាក់ផ្អើលខ្លាំងណាស់ និងសប្បាយចិត្តយ៉ាងខ្លាំង។ វាគឺជារឿងមួយដ៏ល្អបំផុតដែលខ្ញុំបានឃើញ ហើយនាងពិតជារំភើបជាខ្លាំង។"

មិនត្រឹមតែប៉ុណ្ណោះតារារូបនេះក៏បានជួបអ្នកជំងឺផ្សេងៗទៀតដែលស្នាក់នៅមន្ទីរពេទ្យនេះផងដែរ ដែលធ្វើឲ្យពួកគេសប្បាយចិត្តយ៉ាងខ្លាំង៕

នេះជាបណ្តារូបថតនៅមន្ទីរពេទ្យនោះ៖