Justin, Miley និងតារាល្បីច្រើនរូបទៀតនឹងចូលរួមជាមួយ Ariana សម្រាប់តន្ត្រីសប្បុរសធម៌នៅ Manchester

2017-05-31 07:36:45
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Ariana Grande នឹងត្រលប់មក Manchester វិញនៅថ្ងៃអាទិត្យសប្ដាហ៍នេះហើយ ដើម្បីរៃអង្គាសថរិការជូនដល់ក្រុមគ្រួសារជនរងគ្រោះនៃអំពើភេរវកម្មដែលបានសម្លាប់មនុស្ស ២២នាក់ និង១១៩នាក់រងរបួស កាលពីថ្ងៃទី២២។

តារាចម្រៀង Ariana Grande

អង្គការកាកបាទក្រហមប្រចាំប្រទេសអង់គ្លេសបានប្រកាសកម្មវិធី "One Love Manchester” នៅលើ Twitter ជាមួយនឹងរូបឡូហ្គោពណ៌ផ្កាឈូករូបបូដែលបំពាក់ត្រចៀកទន្សាយដែលជានិមិត្តសញ្ញារបស់ Ariana Grande។ បន្ថែមពីលើតារាចម្រៀងវ័យ ២៣ឆ្នាំរូបនេះ តារាចម្រៀងល្បីៗដូចជា Coldplay, Miley Cyrus, Justin Bieber, Katy Perry និង Pharrel Williams សុទ្ធតែនឹងចូលរួមសម្ដែងទាំងអស់។

ក្រុមចម្រៀង Coldplay

តារាចម្រៀង Miley Cyrus

តារាចម្រៀង Justin Bieber

តារាចម្រៀង Katy Perry

តារាចម្រៀង Pharrel Williams

តារាចម្រៀងជើងចាស់ Usher, ក្រុមចម្រៀង Take That និងសមាជិកក្រុម One Direction លោក Naill Horan ក៏មានឈ្មោះចូលរួមសម្ដែងក្នុងកម្មវិធីនេះដែរ។

តារាចម្រៀង Usher

ក្រុមចម្រៀង Take That

តារាចម្រៀង Naill Horan

ការត្រលប់មកសម្ដែងវិញនេះគឺមានរយៈពេលតិចជាងពីរសប្ដាហ៍ បន្ទាប់ពីមានការបំផ្ទុះគ្រាប់បែក និងមានទីតាំងនៅកីឡាដ្ឋាន Old Trafford។

ចំនួនថវិកាបានមកពីការលក់សំបុត្រតាមអ៊ីនធឺណិត នឹងដាក់បញ្ចូលក្នុង "We Love Manchester Emergency Fund” ដែលបានរៀបចំដោយរដ្ឋបាលក្រុង Manchester និងកាកបាទក្រហមចក្រភពអង់គ្លេស ដើម្បីជាជំនួយដល់ក្រុមគ្រួសាររងគ្រោះ។ អ្នកគាំទ្រទាំងអស់ដែលបានចូលរួមកម្មវិធីប្រគំតន្រ្តីចំថ្ងៃដែលមានរឿងនោះ នឹងទទួលបានសំបុត្រចូលរួមដោយមិនបង់ថ្លៃ ប៉ុន្ដែត្រូវតែចុះឈ្មោះត្រឹមថ្ងៃពុធនេះ៕

ចុចអាន៖

ប្រភព៖ entertainment-weekly ប្រែសម្រួល៖ ធារ៉ូ