ផលិតកម្ម Warner Bros ប្រកាសឲ្យថតរឿងនិយាយអំពីប្រវត្តិរបស់ Voldermort

2017-06-03 08:07:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលសែស្រឡាយរឿង Harry Potter ទើបតែបញ្ចប់ប៉ុន្មានឆ្នាំមុនមកនេះ អ្នកគាំទ្ររឿងនេះគ្រប់គ្នានៅតែមានចម្ងល់ពីអតីតកាល តើមានអ្វីកើតឡើងខ្លះបានជាតួអង្គ Voldermort បានចាប់កំណើត?

ថ្មីៗនេះមានអ្នកគាំទ្រមួយក្រុម បានថតជាលក្ខណៈ Teaser Trailer មួយនិយាយអំពីជីវិតពីមុនរបស់ Lord Voldemort បន្ទាប់មកវីដេអូនោះក៏ស្រាប់តែទទួលបានការគាំទ្រជាច្រើនរហូតដល់មានអ្នកទស្សនាដល់ទៅជាង២លានដង ហេតុដូច្នេះហើយផលិតកម្ម Warner Bros. ក៏ប្រកាសផ្ដល់សិទ្ធឲ្យថតរឿងនេះតែម្ដង។

Poster សម្រាប់រឿង "Voldermort: Origins Of The Heir”

ការពីដើមឆ្នាំនេះ ស្ទូឌីយោមួយឈ្មោះ Tyrangle Filmes បានបង្កើតជាវិបសាយមួយសម្រាប់គម្រោងថតរឿង "Voldermort: Origins Of The Heir” ជារឿងមួយនិយាយពីជីវិតរបស់តួអង្គ Tom Riddle មុនពេលគេក្លាយជាគ្រូសិល្បដ៏ខ្លាំងពូកែម្នាក់។

អ្នកដឹកនាំរឿងនេះលោក Gianmaria Pezzato បានប្រាប់សារព័ត៌មាន Polygon ថា៖ "យើងបានជជែកគ្នាអំពីបញ្ហានេះជាមួយផលិតកម្ម Warner Brother ដែលបានទាក់ទងពួកយើងខណៈដែលយើងកំពុងតែរកថវិកាជំនួយសម្រាប់ថតរឿងនេះ។ សម្រាប់ពេលនេះអ្វីដែលយើងអាចនិយាយបានគឺគេអនុញ្ញាតឲ្យយើងថតរឿងនេះ ដោយមិនមែនជាលក្ខណៈរកចំណូលទ្រង់ទ្រាយធំ។"

រឿងនេះនឹងចាប់ដាក់បញ្ចាំងចុងឆ្នាំនេះហើយ នេះជាពេលដ៏ល្អមួយសម្រាប់អ្នកចង់ដឹងពីអាថ៌កំបាំងនានាដែលទាក់ទងនឹងរឿង Harry Potter រាប់បញ្ចូលទាំងរឿងថ្មីៗទៀតទាក់ទងនឹងរឿង "Fantastic Beasts and Where to Find Them” ដែលបានដាក់បញ្ចាំងកាលពីឆ្នាំ២០១៦៕

នេះជា Trailer សម្រាប់រឿង "Voldermort: Origins Of The Heir”៖