ស្ពានជ្រោយចង្វាចាស់គ្រោងជួសជុលក្នុងខែកក្កដាខាងមុខ
- 2017-06-03 09:36:52
- ចំនួនមតិ 0 | ចំនួនចែករំលែក 0
ស្ពានជ្រោយចង្វាចាស់គ្រោងជួសជុលក្នុងខែកក្កដាខាងមុខ
ចន្លោះមិនឃើញ
ការជួសជុលស្ពានជ្រោយចង្វាចាស់ឡើងវិញនឹងប្រព្រឹត្តទៅនៅខែកក្កដាខាងមុខបន្ទាប់ពីម្ចាស់ជំនួយជប៉ុនចាប់ផ្តើមធ្វើការដេញថ្លៃ រកក្រុមហ៊ុនសាងសង់បានជាផ្លូវការ នៅក្នុងខែមិថុនានេះ ។
លោក ឈឹម ផល្លា មន្ត្រីក្រសួងសាធារណការ និងដឹកជញ្ជូន និងជាអ្នកគ្រប់គ្រងជំនួយជប៉ុនបាន ប្រាប់ឱ្យដឹងនៅថ្ងៃទី១ខែមថុនាថា នៅដើមខែមិថុនានេះ លោក(ឈឹម ផល្លា) នឹងទៅក្រុងតូក្យូ ដើម្បីចូលរួមការដេញថ្លៃ រកក្រុមហ៊ុនសាងសង់ស្ពាននេះ។ពេលមួយខែក្រោយការដេញថ្លៃ ក្រុមហ៊ុនបានដេញថ្លៃបាន និងរៀបចំគ្រឿងចក្រចុះមកជួសជុល សាងសង់ស្ពាននេះតែម្តង ។
ក្រោយពេលសិក្សាលំអិតកន្លងមកពីសំណាក់ជំនាញការជប៉ុនចៃកា(JICA) ប្រចាំនៅកម្ពុជាបាន បង្ហាញឱ្យឃើញថាគល់ស្ពានទាំងសងខាងនៃស្ពាននេះ មានសភាពចាស់ទ្រុឌទ្រោមពេក គឺត្រូវវាយចោលធ្វើថ្មីឡើងវិញ ។ ចំណែកតួស្ពានត្រង់កណ្តាលគឺរក្សាទុកនៅដដែល ដោយគ្រាន់តែធ្វើការកែលំអរបន្តិច បន្តួចតែប៉ុណ្នោះ រីឯរចនាប័ថ្ម ទម្រង់ម៉ូតស្ពាន រក្សានៅដដែលបង្កាន់ដៃស្ពានយើងកែម៉ូតលាបថ្នាំ កែសម្រស់វាឡើងវិញ ។
លោក ផល្លា បានបញ្ជាក់ថាយើងគ្រោងជួសជុលស្ពាននេះរយៈពេល២១ខែ និងដាក់ថវិការចំណាយប្រមាណ៣០លានដុល្លារ។ស្ពាននេះមានប្រវែងជាង ៧០០ម៉ែត្រ ឆ្លងកាត់បឹងទន្លសាប ជាស្ពានសាងសង់ក្រោមជំនួយឥតសំណងពីរាជរដ្ឋាភិបាលជប៉ុនតាំងពីទស្សវត្យន៍៦០មកម្លេះ ក្រោយកមទស្សវត្តន៍ ៧០ស្ពាននេះត្រូវរងនូវការផ្តាច់ដោយសង្គ្រាមថែមទៀត ៕