មកមើលឈុតប្រណិតជាច្រើនម៉ូដដែល Yaya គ្រងពេលក្លាយជាព្រះនាង

2017-06-05 06:26:01
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពជាច្រើនសន្លឹក របស់តារាស្រីវ័យក្មេង Yaya Urassaya បានធ្វើឲ្យអ្នកគាំទ្រសរសើរមិនដាច់ពីមាត់ ពីសម្រស់ដ៏ស្រស់ស្អាតឥតខ្ចោះរបស់នាង ពេលគ្រងឈុតព្រះនាង។

ផ្ទៃមុខដ៏ស្រស់ផូរផង់ ជាមួយការតុបតែងបំពាក់ដោយគ្រឿងអលង្ការដ៏មានតម្លៃ ព្រមទាំងឈុតសំលៀកបំពាក់ដ៏ថ្លៃថ្នូរ បានប្រែរូបតារាស្រីវ័យ ២៤ឆ្នាំរូបនេះ ឲ្យក្លាយទៅជាវីរនារីដ៏អស្ចារ្យម្នាក់ក្នុងរឿងថ្មី។

ភាពយន្តភាគថ្មីនេះមានចំណងជើងថា "Likit Ruk” ឫ "The Destiny of Love” ជាស្នាដៃដឹកនាំរឿងដោយ តារាសម្ដែងស្រីជើងចាស់ Ann Thongprasom ។ គ្រងតំណែងជាតួឯកស្រីក្នុងរឿងនេះ តារាសម្ដែង Yaya ត្រូវដើរតួជា "ព្រះនាង Alice” ដែលជារាជទាយាទទី១ រាជវង្ស Harrisort។ រីឯតួឯកប្រុស សម្ដែងដោយកំលោះសង្ហា Nadech Kugimiya ដែលដើរតួជា មេបញ្ជាការដ៏អង់អាច មានឈ្មោះថា “Davin”។

អ្វីដែលរឹតតែពិសេសក្នុងរឿងថ្មីនេះ គឺក្រុមការងារ បានត្រៀមឈុតដ៏ស្រស់ស្អាតជាច្រើនឈុត និងគ្រឿងអលង្ការមានតម្លៃមួយចំនួន សម្រាប់តុបតែងឲ្យ Yaya ក្លាយទៅជាព្រះនាងដែលល្អឥតខ្ចោះមួយអង្គក្នុងរឿង៕