Neymar ប្រាប់ឈ្មោះខ្សែប្រយុទ្ធជំនាន់ថ្មី៣នាក់ ដែលខ្លួនពេញចិត្ត

2017-06-05 07:25:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Neymar ខ្សែប្រយុទ្ធ Barcelona បានបង្ហាញខ្សែប្រយុទ្ធជំនាន់ថ្មីចំនួន៣នាក់ ដែលខ្លួនចូលចិត្តជាងគេលើពិភពលោកពេលបច្ចុប្បន្ន ប៉ុន្តែក្នុងចំណោមនោះគ្មានឈ្មោះ Lionel Messi និង Cristiano Ronaldo ព្រោះពួកគេចាស់ហើយ។

កីឡាករប្រេស៊ីលវ័យ២៥បានប្រាប់សារព័ត៌មានប្រេស៊ីល Esporte Interativo ថា៖ "សម្រាប់ជំនាន់ថ្មីនេះ ខ្ញុំចូលចិត្ត Antoine Griezmann និងមិត្តរួមជាតិរបស់ខ្ញុំម្នាក់ទៀត Gabriel Jesus។ ខ្ញុំចូលចិត្តពីរបៀបលេងរបស់ Gabriel ហើយពួកយើងធ្លាប់លេងជាមួយគ្នាក្នុងជម្រើសជាតិ និងធ្លាប់ជួយប្រេស៊ីលឈ្នះមេដាយមាសអូឡាំពិក Rio Olympic"។

ចំណែកកីឡាករម្នាក់ទៀតដែល Neymar ស្រឡាញ់នោះគឺ Paulo Dybalaa របស់ក្រុម Juventus។ Neymar ថា៖ "ប្រសិនជាអ្នកមើលរំលង Dybala នោះអ្នកនឹងឈឺចាប់"។ កន្លងទៅ Neymar ក៏ចង់ឃើញមិត្តរួមជាតិប្រេស៊ីលរបស់ខ្លួនម្នាក់ទៀត Philippe Coutinho ចាកចេញពី Liverpool ផ្ទេរទៅក្លឹបអ្នកមានបុណ្យឆាប់ៗដែរ៕