មិនឲ្យអ្នកគាំទ្រសំាចិត្តទៀតទេ ទំីបំផុត Apple ចេញ iOS 11 មានកន្លែងបើកអ៊ីនធឺណិតបានស្រួលហើយ

2017-06-06 01:57:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងព្រឹត្តិការណ៍ WWDC កាលពីយប់មិញ Apple ពិតជាបានប្រកាសចេញ iOS ជំនាន់ថ្មីដូចជាការរំពឹងទុកមែន ដោយប្រព័ន្ធប្រតិបត្តិការជំនាន់ថ្មីនេះមានបន្ថែមមុខងារ និង កែសម្រួលចំណុចមួយចំនួន។ ខាងក្រោមនេះនឹងបង្ហាញត្រួសៗពីលក្ខណៈពិសេសរបស់ iOS 11៖

@Control Center រចនាថ្មី

Control Center លើ iOS 11 មិនត្រឹមតែរចនារូបរាងថ្មីប៉ុណ្ណោះទេ ប៉ុន្តែថែមទាំងមានបន្ថែម Shortcut សម្រាប់មុខងារថ្មីគឺ Cellular Data ដែលអាចប្រើសម្រាប់បិទ/បើកអ៊ីនធឺណិតទូរសព្ទបានយ៉ាងងាយ។

ផ្ទាំង Control Center នេះទៀតសោតមានតែមួយផ្ទាំងតែប៉ុណ្ណោះ លែងមានពីរផ្ទាំងដូចលើ iOS 10 ហើយ ដោយការបញ្ជាបើកសំឡេង, បន្ថយពន្លឺ, បញ្ជាចម្រៀង និង មុខងារជាច្រើនទៀតមានក្នុងផ្ទាំងតែមួយ។ Control Center ដែលអាប់ដេតថ្មីនេះអាចប្រើជាមួយនឹងមុខងារ 3D Touch ដើម្បីឲ្យការបញ្ជាកាន់តែស៊ីជម្រៅ។

@App Store រចនាថ្មី

Apple បានរចនា App Store ដោយប្រើរូបរាងថ្មីទាំងស្រុង ហើយមានការបែងចែករវាង App និង Games ដាច់ពីគ្នាដូចដែលបង្ហាញក្នុងរូបភាពខាងលើ។

@មុខងារពិសេសសម្រាប់ iPad

iOS 11 នឹងជាការអាប់ដេតដ៏អស្ចារ្យសម្រាប់ iPad ដោយ Apple បានបន្ថែមមុខងារពិសេសៗជាច្រើនរួមមាន Drag and drop រួមទាំងវិធីថ្មីសម្រាប់ Switch ពីកម្មវិធីមួយទៅកម្មវិធីមួយ។ ទស្សនាវីដេអូខាងក្រោមដើម្បីច្បាស់ពីមុខងារនេះ៖

@កាលបរិច្ឆេទដាក់ឲ្យប្រើ

Apple គ្រោងនឹងដាក់ឲ្យប្រើប្រព័ន្ធប្រតិបត្តិការថ្មីនេះនៅអំឡុងខែកញ្ញា ស្របពេលនឹងការប្រកាសចេញ iPhone ជំនាន់ថ្មី។ ប៉ុន្តែ Developer នឹងមានឱកាសអាចប្រើ iOS ជំនាន់ថ្មីនេះមុនគេដើម្បីតេស្ត។ ឧបករណ៍ដែលអាចដំឡើង iOS 11 បានមានចាប់ពី iPhone 5s ឡើងទៅ, iPad Air និង iPad ជំនាន់ថ្មីមួយចំនួន៕

ប្រភព៖ PhoneArena ប្រែសម្រួល៖ សុខហេង